Iobi 22:27 - Te B'aib'ara

²⁷ E na kaeka am tataro ngkana ko tataro nako Ina, ao ko na kaawakina am berita are ko karaoia nako Ina.

Iobi 22:27 ပူးပေါင်းရင်းမြစ်များ

2.Uea 13:4

E tataro Ieoaati nakon te UEA i bukin buokaia, ao e noora kamamaten ana m'akuri Ataera nakoia Iteraera te UEA. Ao e kaeka Ieoaati

1.Rongorongo 4:10

E tataro n te tai teuana nakon Atuan Iteraera ni kaangai, “Taiaoka kakab'aiaai ao anganai abau aika a m'aiti. Ko na aki kikiitanai b'a I aonga n aki reke n te kabuanib'ai.” Ao E karaoi b'aai ake e a tia ni bubuti iai Iabeti te Atua.

2.Rongorongo 33:13

E kakauongo te UEA nakon ana tataro Manate ao e noora raraoman nanona, ai ngaia are, e a karaoia b'a e na okira Ierutarem ma n tautaeka kaanga te uea. Ao e ataia man te tai anne Manate ae bon te UEA te Atua.

Iobi 11:13

Bita nanom Iobi ao nakon te Atua n tataro.

Iobi 27:10

A bon riai ngkoa ni kainanoa te kakukurei are E anga, a riai ngkoa n teimatoa n tataro nako Ina.

Iobi 33:26

E na ongo te Atua i rouia ngkana a tataro; A na taromauriia te Atua ma te kukurei; E na manga kanakoraoi b'aai te Atua i bukiia.

Iobi 34:28

A imanonoia aomata aika kainano b'a a na tang nakon te Atua, ao E ongo b'anaaia ni kan buokiia.

Iobi 8:6

Ngkana ko taku b'a ko raoiroi ma ni kokoaua, ao E na roko te Atua ni buokiko ma ni manga anganiko kaain am auti n aron are mai m'aina b'a kaniwangam.

Taian Areru 116:1

I tangiriko te UEA, B'a ko ongo b'anaan au tataro.

Taian Areru 116:14

N aia tai ni bootaki ae ab'ab'aki ana Aomata, ao N na kakoro bukini baike I a tia n atong ake au taeka ni bau b'a N na karaoi.

Taian Areru 56:12

Te Atua, I bae n au taeka ni bau nakoim: N na anganiko au katituaraoi b'a au karea,

Taian Areru 61:5

Te Atua, Ko a tia n ongo au taeka ake I taku b'a N na kakoro bukiia; Ao Ko a tia n anganai te kab'aia are aia b'ai akana karineko.

Taian Areru 91:15

Ngkana a weteai, ao N na kaekaia; ngkana a kai nanoia, ao N na mena irouia. N na kamaiuia ma ni kakab'aiaia.

Te Minita 5:4

Te Atua e aki tangiriia aomata aika a nanobaba. Ma ngaia ae, ko na aki waeremwe ni kakoroa bukin am taeka ni berita nakon te Atua.

Itaia 58:9

E na kaekaingkami te UEA ni kaangai, “Aio Ngai!” Ngkana kam buubutiai buokami. Kam na aki karaoa ae aki raoiroi nakoia tabem'aang ke ni bukiniia n te aro ni kewe ke n taetae n aki akaaka nakoia.

Ieremia 29:12

Ane kam na oki nako iu ma ni buubutiai buokami, ao N na kaekai ami tataro.

Iona 2:9

Ma N na anenea kamoamoam; N na anga karea nakoim. N na karaoa are I a tia n taetae n tuea iai. Bon mairoun te UEA te maiu!

Te Tua-Kaua 23:21

Kaain Iteraera, ngkana kam karaoa te berita ae tabu b'a kam na anga ami b'aintangira nakon te UEA, ao kam na karaoia naba n te tai ae waekoa, b'a ngkana E roko te UEA ni kakaea te b'aintangira are ko berita iai, ao ko na bure n urua te berita ngkana ko tuai n anga am b'aintangira.