Iobi 22:23 - Te B'aib'ara

²³ Okira te Atua ma te nanorinano, ao katoki b'aai ni kabane aika buakaka ake a kakaraoaki i nanon am auti.

Iobi 22:23 ပူးပေါင်းရင်းမြစ်များ

2.Rongorongo 33:13

E kakauongo te UEA nakon ana tataro Manate ao e noora raraoman nanona, ai ngaia are, e a karaoia b'a e na okira Ierutarem ma n tautaeka kaanga te uea. Ao e ataia man te tai anne Manate ae bon te UEA te Atua.

Iobi 12:14

Ngkana e urub'ai te Atua, akea ae kona ni manga kateia, akea naba ae kona ni kab'ara te aomata ae kainna te Atua n te karabuuti.

Iobi 18:15

Ao ngkai, a nang maeka tabeman n ana auti n rianna ngkana e a tia ni kab'akaaki te b'ai n aoraki i nanona i bukin kaitiakan mwiin te aoraki.

Taian Areru 130:4

Ma Ko kab'ara ara bure, ma ngaia ae ti na taromauriko.

Itaia 19:22

Ane a na rairaki aomata nakoina, ngkana e a tia te UEA ni katuaaea Aikubita. Ao i mwiina, e na kaekaa aia tataro, ao a na kamaiuaki kaain Aikubita.

Itaia 31:6

Kaain Iteraera, ooki! Ko a tia n rairaki nako mai roun te UEA.

Itaia 33:15

Ma e na iai kaniwangaia aika a eti maiuia ma n tataekina te koaua, i bukiia aomata ake a rawa n anaa te m'ane n te matoa ke a rawa ni butim'aea te baabakanikawai, ao nakoia ni kabane ake a ribaa te tiriaomata ao taian m'akuri ni kakeru.

Ieremia 31:4

Kam rangi ni kakaawaki irou, ai ngaia are, N na manga katea ami botannaomata. Kam na manga b'ab'atere ni kukurei ma ni katangitang n taian timbere.

Otea 6:1

Ti a okira te UEA. E a tia n raeraeira ni kauarerekeira, ma E na kabaei ikoakira ao E na manga kamarurungiira.

Tekaria 1:3

Ma ngkana kam okirai, ao N na rairaki ni buokingkami.

M'akuri 26:20

ma I tuangiia moa I-Tamateko, ao rimwi I-Ierutarem ma I-Iutaia ni kabaneia, ma aomata naba ake tiaki I-Iutaia, b'a a na rairi nanoia n rairaki nakon te Atua, ao ni karaoi m'akuri aika a na kaotiia iai b'a a tia n rairi nanoia.

I-Korote 2:7

A na nene wakaami i Rouna, ao karikia b'a aani maiumi. Kam na kateimatoaki n ami onimaki, n te aro are kam reireiaki iai, ao kam na kabatia te katituaraoi.

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

Iuta 1:20

Ma ngkami aika kam tangiraki, kam na waki ni kateitei aromi i aon ami onimaki ae moan te tabu; ao kam na tataro n aroni kairami iroun te Tamnei are Raoiroi;