Iobi 22:12 - Te B'aib'ara

¹² E koaua b'a E aki maeka te Atua i karawa are te kabanea n rietaata, ao E baraaki n tarai aon taiani itoi, e ngae ngke a bon rietaata naba.

Iobi 22:12 ပူးပေါင်းရင်းမြစ်များ

Iobi 11:7

Ko kona ni kunea tian ma tokin korakoran, ao m'aakan te Atua?

Iobi 11:8

E ataa tokin karawa te Atua, ma ko aki kona n rootia. E ataa abaia maate, ma ko aki ataia ngkoe.

Iobi 35:5

Tara karawa! Noori rietaatan taian nang!

Taian Areru 115:16

Ana b'ai karawa te UEA n ti Ngaia, ma E anga aonnaba nakoia aomata.

Taian Areru 115:3

E mena Atuara i karawa; ni karaoa ae E bon taku.

Te Minita 5:1

Taratara raoi n te b'ai ae ko karaoia ngkana ko rin n ana Tembora te Atua. Iai tabeman aomata aika a nanobaba aika a nako ikekei n angakarea, e ngae ngkana bon akea aia bure. Ma e raoiroi riki ngkana ko ti kakauongo ngkana ko nako n taromauri.

Te Minita 5:2

Ko na iango i m'aain ae ko taetae ke karaua raoi ni iangoia i m'aain ae ko karaoi am berita nakon te Atua. E mena te Atua i karawa, ao ngkoe ko mena i aon te aonnaba, ma ngaia ae, tai rangi ni b'arantiko.

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Itaia 66:1

E taku te UEA: Au kaintokanuea karawa ao nnen katokaniwaeu aonnaba. Tera te aekaki n auti ae ko na karaoia ibuku? E nga te tabo ae N na motirawa iai?