Iobi 21:26 - Te B'aib'ara

²⁶ Ma ti te arona mateia aomata nako, a na bane n onrake n taian ino.

Iobi 21:26 ပူးပေါင်းရင်းမြစ်များ

Iobi 17:14

N na atonga te ruanimate b'a tamau, ao N na atongi ino ake a na kana rab'atau b'a tinau ao m'aneu.

Iobi 19:26

E ngae ngke e a tia kuniu aei ni kanaki n te aoraki ma N na bon noora naba te Atua i nanon rab'atau aei.

Iobi 20:11

E taneiai ni marurung rab'atana ngkoa ma ni maiureirei, ma n te tai ae aki maan, ao e na oneaki rab'atana nakon te bubu.

Iobi 21:25

Ao tabem'aang bon akea teutana kukureia, a maiu ma ni mate i nanon te rawawata.

Iobi 21:27

I atai ami iango aika buakaka akana i nanomi.

Iobi 24:20

E na bon aki ururingnga naba are bon oin tinana. E na kanaki i rouia ino ma ni kamaunaaki n ai aron te aroka ae einako ni b'aka.

Iobi 3:13

Ngke tao arona b'a I a kaman mate, ao N na bon rau raoi n te tai aei,

Taian Areru 49:14

A motikaki bukiia b'a a na mate n ai aroia tiibu; E na riki te mate b'a te tia kawakinia n ai aron te tia kawakin-tiibu, are na kairiia nakon te ruanimate. A na tauaki aroia n te ingabong irouia akana raoiroi, ngkai a waekoa ni mka rab'ataia n te ruanimate, ike e raroa nako mani mwengaia.

Te Minita 9:2

Ma ni koauana raoi e na bon ti te bo te b'ai ae e na riki naba nakoira ni kabane n tokina, e ngae ngkana tao ti maiuakina te raoiroi ma ni karinea te Atua, ke ngkana tao ti bure ma n aki karinea te Atua. Eng, e na bon riki naba te b'ai ae ti te bo ngkana ti anga ara karea nakon te Atua ke ngkana ti aki, ke ngkana ti kakoroa bukin ara berita ke ngkana ti urui.

Te Minita 9:3

E bon rangi n aki riai b'a e na booraoi rikin te b'ai ae ti teuana nakoira n tatabemaniira nako. Ti bon tei ni baba, ao ti rangirang ngkai ti maiu, ao i mwiina ti a manga mate.

Itaia 14:11

A toki ikai am kainikatonga ma am katangitang n aia aonnaba maate. Ko na rabuniko n taiani m'ata, ao ko na kieniko n taian ino.”