Iobi 21:22 - Te B'aib'ara

²² E koaua b'a e kona te aomata n reireina te Atua are boni Ngaia ae motikitaeka n taabo aika rietaata?

Iobi 21:22 ပူးပေါင်းရင်းမြစ်များ

Iobi 15:15

E bon aki onimakiniia naba Ana anera te Atua, ao a aki itiaki naba i matana,

Iobi 21:21

E koaua b'a ti kona n tabeakiniia natira ngkana a toki maiura.

Iobi 35:11

A aki rairaki nakon te Atua, ae karaoira b'a ti na wanawana riki nako ia manin aonteaba, ma mannikiba aika wanawana.

Iobi 36:22

Ko na uringa korakoran m'aakan te Atua, boni ngaia te kabanea n tia reirei ae korakora i aon b'aai nako.

Iobi 36:23

Bon akea temanna ae kona n tuangnga Ana m'akuri, ke ni bukinna ni karaoan te buakaka.

Iobi 38:3

Teirake ngkai n aron te aomata, ao kaekai titiraki aika N na titirakiniko iai.

Iobi 4:18

E noori aia kairua ana toro ao E bon noori naba kairuaia Ana anera.

Taian Areru 82:1

E tekateka te Atua b'a te tia babaire n te bootaki ni kauntira i karawa; E anga ana moti n aia bootaki taian atua.

Te Minita 5:8

Ko na aki kubanako ngkana a kabuakakaaki aomata aika a maiu ni kainano i aon abam, ao e na oneaki mwiin te eti n te kaairua. A na riai ni karaoa te b'ai are a tuangaki mataniwi aika a rinano irouia ake a rietaata.

Itaia 45:9

Iteraera, bon akea riaim b'a ko na kauntaeka ma te Tia Karikib'ai. Bon ti te m'angko te tano ngkoe ae ko borikaki iroun te tia karao m'angko. E aki konaa n titiraki te m'angko te tano, “E aera ngkai ko karaoai n te aekaki aei A anga taningau?”

Ieremia 23:18

Ma I tuangkami Ngai are te UEA b'a a tuai man iriira kabowin Au kauntira are i karawa burabeti aikai ke n ongo b'anaau n taetae.

I-Rom 11:34

N aron are koreaki ni kangai: “B'a antai ae ata ana iango te UEA? Ao antai ae anganna taeka ni buobuoki?

1.I-Korinto 2:16

n aron are koreaki ni kangai: “B'a antai ae ata nanon te UEA, b'a e na reireia?” Ma bon iai i roura i nanoni Kristo.

1.I-Korinto 6:3

Kam aki ataira b'a ti nangi motiki taekaia anera? Ao ngkana ngaia aei, ao tiaki b'a e a moamoa riki i roura b'a ti na motiki taekani b'ain te maiu aei?

2.Betero 2:4

B'a E aki kamaiuia anera te Atua ake a bure, ma E teweia nako moone, ike a kabaeaki n taurekereke i nanon te rotongitong, ike a kabaeaki iai n taurekereke i nanon te roo b'a a na kawakinaki iai ni karokoa motikan taekaia.

Iuta 1:6

Ao anera ake a aki rauaki ni neia ni m'aka are a katauaki iai ma a kitan oini mwengaia, a kawakinaki i Rouna ni kabaeaki n taurekereke aika akea tokiia n te tabo ae rotongitong i m'ain te motiki-taeka n te bong are kakannato;