Iobi 21:19 - Te B'aib'ara

¹⁹ Kam taku b'a E katuaaia ataei i bukin aia bure tamaia. Tiaki ngaia anne! Ke E bon katuaaia taani bure te Atua n oin aia bure; ke E bon kaotia b'a E karaoa aei i bukin aia bure.

Iobi 21:19 ပူးပေါင်းရင်းမြစ်များ

Karikani B'aai 4:7

Tiaki ko na boni kukurei ngke ko boni karaoa ae e raoiroi? Ma i bukina ngke ko a tia ni karaoa ae buakaka, ao e aoraia te bure i matan am mataroa. E kan tautaekaniko, ma ko riai n tokanikai i aona.”

2.Tamuera 3:39

Bon te uea ngai ae I rineaki, ma bon iai riki m'aakaia Ioaba ma Abitiai nakon ae I karaoia. Ma ngaia are, E na bon kabooa mwiin te m'akuri ae e buakaka te Atua ae a karaoia.”

Iobi 22:24

Karenakoa am koora; tewenakoi ake a rangi n raoiroi i buakon atiibun kabin te karaanga ae m'auteretere.

Taian Areru 54:5

E na karawawataia taan ribaai, i bukin aia m'akuri aika buakaka. Te Atua, Ko na kamateia i bukina ngkai Ko kakaonimaki.

Te Otinako 20:5

Kam na aki bobaraaki nakoia bouannanti; ke n taromauriia, b'a bon te UEA ae Atuami Ngai, ae I taua ni nne i roumi. I katuaaia naba te koraki ake a ribaai ni karokoa naba kanoaia rikaaki, nakon te katenroro ao te kaaroro.

Itaia 14:21

Ti na tiringiia natim m'aane b'a kaboan mwiin aia bure aia bakatibu. A na bon aki taua taekan te aonnaba ke taiani kaawa aika a buubura n taabo nako n te aonnaba.

Ieremia 31:29

Akea ae e na manga nakonako ni kaangai, “A kanaki kureebe aika a mao irouia kaaro katuka te b'ai ae e mao i nanon wiia natiia.”

Etekiera 18:14

Ma ngkana tao arona b'a iai natin te m'aane aei te m'aane ae e bon nonori b'aai ake e karaoi tamana ao e rawa ni katotoongnga.

Etekiera 18:2

Etekiera, I ongo b'anaaia aomata b'a a kamanenaa te taeka nikawai ae e kaangai, “Te kureebe ae e maai ae e kanaki irouia kaaro e katuka te maai i nanon wiia natiia.

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

Warekaia Iteraera 14:18

b'a Ko tangiria ni kaota te akoi ma te nanoanga. Ao Ko taku naba b'a Ko rangi n taotaonakinano, ma Ko bon katuaaia naba aika a tia n karaoa te m'akuri ae bure, tiaki ti ngaia ma Ko katuaaia naba natiia, ao natin natiia.

Mataio 16:27

B'a ane E na nakomai Natin te aomata ma ana anera i nanoni mimitongin Tamana; ao ane E na angania aomata ni kabaneia booni mwin aia m'akuri.

I-Rom 2:5

Ma ngkai a matoatoa nanomi n rawa ni kani kaetaki, ao kam kaikoa te un nakoimi nakon te bong are e na kaotaki iai unin te Atua ma ana motiki-taeka ae eti.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

Te Tua-Kaua 32:34

Ma E a tia te UEA ni koroi mwiin aia bure ma ni kainna n Ana ru ni kaawakinib'ai.

Te Tua-Kaua 32:41

N na karaoa te irantaanga nakoia kairiribai aika ribaaki. N na kakangiia au kabaang ao e na raaiti kaanga te iti.

2.Timoteo 4:14

Arekantero are te tia karaoi b'aai man te buraati e karaoi baika bubuaka aika bati nako iu. Ane e na kaboaki mwin ana m'akuri aika buakaka iroun te Uea n ai aroni baike e karaoi.

Te Kaotioti 18:6

Are e karaoia nakoimi, ao kam na karaoia naba nakoina; ao kauoua te tai m'aitini booni mwin te b'ai are e karaoia, ao kaona ana m'angko n te moi, ni kauoua te tai korakoran te moi are e a tia ni karaoi i bukimi.