Iobi 21:18 - Te B'aib'ara

¹⁸ ma n tewenakoia kaanga te maange ae ukaki nako n te ang, ke te baareka ae uotaki nako n te angibuaka?

Iobi 21:18 ပူးပေါင်းရင်းမြစ်များ

Iobi 13:25

Ko kataia ni kakamaakai ma bon ti te banikai ngai ae akea korakorana. Ko buakanai ma bon ti te uteute ae m'auteretere ngai, ae akea arona.

Iobi 22:16

A uotaki nako n te ieka e ngae ngke a tuai n roko aia tai.

Iobi 27:21

e na iribiia nako te ang mainiku man aia auti;

Taian Areru 1:4

Ma tiaki aio aroia aomata aika buakaka; ti te bo ngaiia ma aron te maange ake a ukaki nako n te ang.

Taian Areru 35:5

A na kakioaki iroun ana anera te UEA, ao a na riki n ai aroni kunin te uteute ae ukaki nako n te ang!

Taian Areru 83:13

Atuau, kauamaaeia kanga ai aroni bubun aontano, ke te maange ae ukaki nako n te ang.

Taian Areru 83:14

Aron te ai ni kabuoka te buakonikai ao ni kaurarakei aoni maunga,

Te Otinako 15:7

Ko tewenakoia am kairiribai ni mimitongin am tokanikai; ao e tii nako uran unim ni kabuokiia n ai aron te uteute ae m'au.

Taeka n Rabakau 10:25

A na mauna nako aomata aika a buakaka aikai a ngkana e roko te angibuaka n oroia, ma e na kaawakiniia ni kabane aika a ongotaeka i rouna te Atua.

Itaia 17:13

Ma e ngae ngkana a rurunga kaanga te ieka ae e kakamaaku, E na tuangiia te Atua b'a a na oki rikaaki. A na riki b'a kaanga te bubu, ke kaanga te uteute ae e ukaki nako n te ang are e karabinobinoaki ri aon taian tabuki n te angibuaka.

Itaia 29:5

Ao i mwiina, e na karina ni uotaki nako am kairiribai ae moan te tiritiri n ai aron baareka i nanon te angibuaka.

Itaia 40:24

Ti te bo ngaiia ma taian uee aika a tib'a ure ao a tabe n rikirake. Ma ngke e ukia te Atua, ao a rai ma n uotakinako kaanga te maange n tain te angibuaka.

Itaia 5:24

Kam na urarake kaanga te b'ab'ati ni uteute! Kam a tia ni katinanikua ana reirei te UEA ae e tabu ae Atuan Iteraera ae Moan te M'aaka. Ngaia ae ngkai, a na mka wakaami, ao a na riki ni bubu nako ueemi.

Ieremia 13:24

N na kamaaenakoingkami, kaanga aron angin te rereua ngkana e uka nako kunin te uita ni kakibarakea nako eta.

Otea 13:3

Ai ngaia are, kam na bane ni mauna nako kaanga te maabubu ke te aoi n te moaningabong, ke kunin taian uita n te ang ke te bubu ma n te kainibubu.

Naum 1:10

Ngkami aika kam mamanging, kam na kabuokaki n ai aron uteute aika a kateketeke, aika a m'auteretere.

Ab'akuka 3:6

Ngkana E toki ni m'akuri ao e m'aeiei aon te aba; a ruru ni maaku botannaomata i matana. Maunga ake ngkoa ana maenako ao tabuki ake a teimatoa ana inako, ake tabuki ake E nakonako i aona n taai ake ngkoa.

Mataio 3:12

E mena i nanoni baina te b'ai ni m'akuri are E na kaitiaka iai maangen te uita man te tabo are ororeaki iai te uita b'a e aonga n raure nako ma kaina. E na boti uaa n uita i nanon ana titoa ni b'ai, ao E na kabuoki maangen uita n te ai are aki mamate.”

1.I-Korinto 3:12

Ngkana e kateitei te aomata i aon aana aei, n te koora, ke n te tirewa, ke n atibu aika kakawaki, ke n te kai, ke n te uteute, ke n te maange,