Iobi 21:17 - Te B'aib'ara

¹⁷ E koaua b'a e na aki mamate ana taura te aomata ae buakaka? E koaua b'a bon akea temanna mai buakoia ae na aki bo ma te kangaanga? E koaua b'a e na aki orea te aomata ae buakaka te Atua ni kamarakin nanona,

Iobi 21:17 ပူးပေါင်းရင်းမြစ်များ

Iobi 18:18

E na kanakoaki man abaia aomata aika maiu, e na kanakoaki man te oota nakon te rotongitong.

Iobi 21:30

B'a n te bong are E un ma ni katuaaia iai aomata te Atua, ao bon aomata aika buakaka aika a kamaiuaki n taai nako.

Iobi 31:2

Tera ae na karaoia te Atua ae m'aaka nako Iu? E na kanga ni kabooa mwiin ana m'akuri te aomata?

Iobi 31:3

E karokoa te kangaanga ma te urub'ai te Atua ae m'aaka i aoia aomata aika buakaka.

Taian Areru 32:10

Ane a na taonaki n te rawaawata aomata akana buakaka; Ma a na kawakinaki raoi akana onimakina te UEA n ana tangira ae teimatoa.

Taeka n Rabakau 13:9

E teimatoa uran ana taura te aomata ae e raoiroi; ma e waekoa ni mate ana taura te aomata ae e buakaka.

Taeka n Rabakau 20:20

A na roko n aban te rotongitong i m'aain rokon aia tai, naati aika a kamaraiaia aia karo.

Taeka n Rabakau 24:20

A na waekoa ni bua kaanga uran te taura ae e toki urana.

Mataio 25:8

Ao a taku nake a nanobaba nakoia nake a wanawana, “Kamai teutana n ami b'a, b'a a kani mate ara taura.”

Ruka 12:46

ao teuare ana mataniwi te toro arei, e na roko n te bong ae e aki kantaningaia iai, ao n te aoa ae e aki ataia, ao e na korouaia ni kam'akorokoroa, ao e na kaakiia i rarikiia ake a aki kakaonimaki.