Iobi 21:16 - Te B'aib'ara

¹⁶ A taku b'a e totokanikai aia waaki man oin korakoraia, ma I bon aki butim'aei aia iango.

Iobi 21:16 ပူးပေါင်းရင်းမြစ်များ

Karikani B'aai 49:6

N na bon aki rin i nanon aia taetae ni karaba, N na aki reitaki ma ngaiia n aia kakabowi, B'a a tiringiia aomata ni marakin nanoia ao a katoaraaia taian kao i bukin aia takakaro.

Iobi 1:21

Ao e taku, “I bungiaki ngkoa n akea au b'ai; ao N na manga mate naba ma akea au b'ai. E anganai au b'ai te UEA, ao ngkai E a manga anai. Ke E neboaki arana!”

Iobi 10:3

E koaua b'a e raoiroi b'a Ko na iowawa? E riai i Roum b'a ko na ribaa te aomata are ko bon karaoia? Ao ni kariaia aia waaki aomata aika buakaka?

Iobi 22:18

Ma bon te Atua ae kabatiai aia b'ai I aki kona n atai aia iango ni baba.

Taian Areru 1:1

E a kab'aia te aomata ae aki iri nanoia taan reirei aika buakaka, ae aki katotoong aroia taani bure ke n raoniia aomata aika akea manenaia i bukin te Atua.

Taeka n Rabakau 1:10

Ko na aki kaririiaki irouia taani bure ke n ongo

Taeka n Rabakau 5:8

Kararoako mairoun te aine ae buakaka! Ko na aki naba kaaniia mataroan ana auti.

Te Minita 8:8

Ti aki konaa n tautaekana te ang ke ni baairea ara bong ni mate. Bon akea ae e konaa ni biri nako mani boong ni buaka, ao akea naba ae e konaa ni karabaa i akuun te buakaka.

Ruka 16:2

Ao e weteia ao e taku nako ina, “Tera taekam aei, ae I ongo? Kaoti nako iu mwin am m'akuri ni manatia, b'a ko na aki manga manatia.”

Ruka 16:25

Ma e taku Aberaam, “Natiu, ko na uringnga b'a ngkoe n am tai ni maiu ao a rereke nako im baika raraoi, ma Rataro e rereke i rouna baika buakaka; ma ngkai, e a reke i rouna raun nanona ikai, ao ngkoe ko kainano ni maraki.