Iobi 20:27 - Te B'aib'ara

²⁷ E kaotaki ana bure te aomata i roun karawa, ao e kakoaua naba ana bure i roun te aonnaba.

Iobi 20:27 ပူးပေါင်းရင်းမြစ်များ

Iobi 16:18

Te aonnaba O, tai karabai taiani kaairua aika a tia ni karaoaki nako Iu. Ko na tai katoka tangiu i bukin te eti.

Iobi 18:18

E na kanakoaki man abaia aomata aika maiu, e na kanakoaki man te oota nakon te rotongitong.

Itaia 26:21

E na otinako te UEA ao e na katuaaia aomata nako i aon te aonnaba i bukin aia bure. Ao ane a na ataaki ma ni katuaaeaki aomata aika a tia ni karaoi buure aika a korakora ngkana E waaki.

Ieremia 29:23

Bon aei tokiia i bukina ngke a tia ni karaoa te bure ae e rangini buakaka—a tia ni wenenibure ao a tia n taekin taiani kewe n aran te UEA. E bon kaaitaraa nanon te UEA te aro aei, E ataa te b'ai are a tia ni karaoia, ao E bon riki b'a te tia kakoaua ni kaaitaraia. Bon aei au taeka Ngai te UEA.”

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

I-Rom 2:16

Ma ngaia are, n reitaki ma kanoan te euangkerio ae I tataekinna, ao bon aei aron te bae e na riki n te bong arei, ngkana E motiki taekaia aomata te Atua i nanon Iesu Kristo ni kaeti ma iango ake a raba i nanoia aomata.

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

Te Tua-Kaua 31:28

Ma ngaia are, kam na weteia taani kairiiri ma aia aobitia barongan Iteraera, b'a N na uota te boki aei ma ni wareki taekana ni kabane nakoimi, ao N na wetea karawa ma aonnaba b'a taani kakoaua b'a kam atai b'aai ni kabane aika kam kantaningaaki b'a kam na karaoi.