Iobi 2:9 - Te B'aib'ara

⁹ Ao e taku buuna, “Ae ko bon teimatoa naba ni kakaonimaki? E aera ngkai ko aki taetae n aki akaaka nakon te Atua, b'a ko bon aoria ni mate?”

Iobi 2:9 ပူးပေါင်းရင်းမြစ်များ

Karikani B'aai 3:12

Ao e kaeka te mm'aane ni kaangai, “E anganai te uaanikai neiere Ko anganai b'a raou, ao I kanna.”

Karikani B'aai 3:6

Ao e noora te kai arei te aine b'a e tamaroa taraana, ao e rangi n raoiroi uaana n te kanaki, ao e a anaaki riki nanona ngke e na wanawana iai. Ma ngaia are, e anai uaana ao e kang. Ao i mwiina, e a manga angan teuare buuna, ao e kanna naba teuarei.

1.Uea 11:4

Ao ngke e a kara Toromon, ao a kairiia tabem'aang b'a e na taromauri antiia. Bon tiaki aron tamana are Tawita, are e bon ti tataromauria te UEA ae te Atua.

2.Uea 6:33

I m'aain banen ana taeka Eritai, ao e roko te tia uarongorongo ao e taku, “Bon te UEA ae e karokoi b'aai aika a kamaamate aika a riki aika i aora aikai, ao bukin tera ngkai ti na kakantaningaia b'a ngaia ae E na buokiira?”

Iobi 1:11

Ma ngkana Ko anai b'aai ni kabane ngkai mai rouna-ane na taetae n aki akaaka nako Im bon i reben taningam!”

Iobi 2:10

Ao e kaeka Iobi, “Ko taetae ni baba. Ngkana E anganiira baika raraoi te Atua, ao ti kariaia, ao e aera ngkai ti na ngurengure ngkana E anganiira taiani kangaanga?” Bon akea te b'ai ae taekinna Iobi ni kaaitaraa te Atua i bukin kamarakakina aikai ni kabane.

Iobi 2:3

Ao e taku te UEA, “Tera am iango iroun au toro are Iobi? Bon akea temanna i aon te aba ae kakaonimaki ma n raoiroi riki nako ina. E tataromauriai, ao e kabanea korakorana n aki kakaraoa te m'akuri ae buakaka. Ko a tia ni imanonoai b'a N na kariaia b'a ko na kataia n akea bukina, ma e bon teimatoa naba Iobi n arona ni kakaonimaki.”

Iobi 2:5

Ao iangoia b'a aongkoa ko kamaraka rab'atana, ane na taetae n aki akaaka nako Im bon i reben matam!”

Iobi 2:8

Ao e nako Iobi n tekateka i rarikin te tabo ni maange, ao e anaa te maibi ni katiibu ni kakaara iai kaboana.

Nakoaia Ibonga 24:11

N te bong teuana ao e un natiia aei ma temanna te m'aane ae te I-Iteraera, ao e taetaebuaka aran te UEA. Ma ngaia are, e a katikitikaki nakoni Moote,

Maraki 3:14

Aio te b'ai ae kam a tia taekinna, “Bon te waaki n nanobaba te m'akuri iroun te UEA ae Moan te M'aaka. Tera manenan te ongotaeka i rouna ma te nanakonako ni mata ni kananoanga?

Tani Motiki-taeka 14:17

Ao e tang ni kabane bongin te bootaki ni kukurei ake itiua te bong i bukin tangiran tuangakina reken te kam'aninga. Ao e rangi karawaawata riki nanon Tamton n te kaitiua ni bong n te aro are e a tuangnga te reke. Ao e nako ni kawariia rorobuaka akekei ao e tuangiia.