Iobi 19:13 - Te B'aib'ara

¹³ E a tia te Atua ni karaoia au utu b'a a na kiitanai; a manga aki kinaai aomata ake a bon kinaai ngkoa.

Iobi 19:13 ပူးပေါင်းရင်းမြစ်များ

Iobi 16:20

A tinanikuai raoraou, ao a tiinako rannimatau nakon te Atua.

Iobi 16:7

E a tia te Atua n anaa korakorau; E a tia n tiringiia au utu ni kabane.

Iobi 42:11

Ao a bane n roko tarin Iobi ma m'anena ni kawaria n am'arake ni kukurei ma ngaia n ana auti. A kaota reitakiia n te rawawata, ma ni kabebetea i bukin taiani kangaanga ake E karokoi te UEA i aona. Ao Ngaiia n tatabemaniia nako, a anganna tabeua te m'ane, ao te m'am'a te koora.

Iobi 6:15

Ma ngkami raoraou, kam kam'aneai kaanga taian karaanga n ran aika b'atakataka ngkana e aki b'ab'aka te karau.

Iobi 6:20

ma e a toki aia kantaninga i rarikin taian karaanga n ran aika m'autakataka.

Taian Areru 31:11

A taku ake a ribaai b'a akea wareu, ai moa ra riki ake a maeka i rarikiu; ao a makai te koraki ake a ataai; a biri nako ngkana a norai n te kawai.

Taian Areru 31:12

A bane aomata n aki uringai, b'a kanga ai aron ae I a tia ni mate; Ai aron te b'ai ngai ae teweaki nako b'a akea bonganana.

Taian Areru 38:11

A kararoaai raoraou ma ake a maeka ni kaan ma ngai i bukin aorakiu; ao a kararoaai naba au utu mairou.

Taian Areru 38:12

A kawene b'aai ni kam'am'ane aomata ake a kani kamateai b'a a na kam'aneai iai; Ao a iaiangoa aroni kam'aruaau ni kabongnga aomata akana kani kaikoakai.

Taian Areru 41:9

Ao e eekainako naba te aomata ae bon raou ni koaua ae I onimakinna, ae raoraou n am'am'arake.

Taian Areru 69:20

A riki aia taetae n iowawa nako iu b'a uruan nanou, ao I rawaawata iai. I kaantaninga nanoangakiu, ma akea ae e reke; Ao akea naba ae e reke i bukini karauan nanou.

Taian Areru 69:8

Ai aron ae te iruwa ngai nakoia tariu, ao te Ianena nakoia kaain au utu.

Taian Areru 69:9

Ai aron te ai ae ura tangiran am Tembora i nanou; A b'akarai taeka i bukim, aika taeka aika bubuaka.

Taian Areru 88:18

Ko kararoaia mairou raoraou aika I rangi n tena ma ngaiia, Ao ai ti ngai n tiku n te roo.

Taian Areru 88:8

Ko kararoaia raou mairou; Ko karaoa ae N na bati n ribaki irouia. I kainaki ao I aki kona n oti nako;

B'aeb'aeti 1:19

I weteia au itabon n tautaeka ma a rawa ni buokai. A mate taian ibonga ma taan kairiiri i nanon kawain nuukan te kaawa, i bukin kakaean kanaia are a na maiu iai.

B'aeb'aeti 1:2

E tangi ni korakai n te tairiki koraki, ma ranni matana i aon tabana. akea temanna i buakoia raoraona ae kona ni karaua nanona; Aaba ake a itabon ngkoa ma ngaia a manga riki b'a ana kairiribai.

Mataio 26:56

Ma a riki baikai b'a a na kakoauaki aia koroboki burabeti.” Ao a bane ana reirei ni kitanna, ao a biri nako.

2.Timoteo 4:16

Akea ae e tei i rarikiu n te moa n tai are I taetae iai ni kaitarai bukinau; a bane ni kitanai. E bia aki tauaki aroia aei b'a te bure nakoia!