Iobi 16:21 - Te B'aib'ara

²¹ I tangira temanna ae na tei ni kauntaeka ma te Atua i buku, kaanga aron temanna ae tei i bukin raoraona.

Iobi 16:21 ပူးပေါင်းရင်းမြစ်များ

Iobi 13:22

Taetae moa Atuau, ao N na kaekako; ke kariaiai b'a N na taetae moa, ao Ko na kaekaai.

Iobi 13:3

Bon ti te b'ai i marenau ma te Atua, ao tiaki i marenau ma ngkami; I tangiria ni kauntaeka arou ma Ngaia.

Iobi 16:20

A tinanikuai raoraou, ao a tiinako rannimatau nakon te Atua.

Iobi 16:22

A tabe ni waaki nako au ririki ngkai, ao I m'ananga n te kawai ae aki manga okirikaaki.

Iobi 31:35

Bon akea temanna ae kan ongora ni baika I taekin. Ma I bon berita b'a a koaua au taeka ni kabane. Ke E kaekaai te Atua,

Te Minita 6:10

B'aai ni kabane aika a riki boni baika a kaman baaireaki n taai ake ngkoa. Ti bon atai aekakira ngaira aika aomata, ao ti bon aki konaa ni kauntaeka ma te Atua, b'a e bon rangi ni korakora i bukira.

Itaia 45:9

Iteraera, bon akea riaim b'a ko na kauntaeka ma te Tia Karikib'ai. Bon ti te m'angko te tano ngkoe ae ko borikaki iroun te tia karao m'angko. E aki konaa n titiraki te m'angko te tano, “E aera ngkai ko karaoai n te aekaki aei A anga taningau?”

I-Rom 9:20

Nao! Antai ngkoe b'a ko na kaekaa te Atua? Iai riain te b'ai ae e karaoaki man te bokaboka b'a e na kaekaa te aomata are karaoia ni kaangai, “E aera ngkai ko karaoai n arou aei?”