Iobi 15:32 - Te B'aib'ara

³² Ane e na rai i m'aain rokon ana tai, ao a na aki riki baana i aon m'aangana.

Iobi 15:32 ပူးပေါင်းရင်းမြစ်များ

Iobi 22:16

A uotaki nako n te ieka e ngae ngke a tuai n roko aia tai.

Taian Areru 55:23

Ma Ngkoe, te Atua, Ko na kariniia taan tiritiri ma taani b'anga ni kewe ruanimateia i m'ain banen iteran aia bongi ni maiu. Ao ngai N na onimakiniko.

Taeka n Rabakau 10:27

Ngkana kam karinea te UEA, ao e na bon anaanau maiumi, ngkana kam teimatoa ni kaakaraoa ae e kaairua, ao e na koreaki ni kauarerekeaki maiumi.

Te Minita 7:17

Ko na tai mate i m'aain am tai ti i bukin karaoan ae e buakaka, ke karaoan m'akuri n nanobaba.

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Otea 9:16

Iteraera, bon te kai ae te kureebe ngkoe ae e m'autakataka wakaana ae akea uaan m'aangana nako. E ngae ngke iai riki natimi ao kam rangi n tangiriia, N na bon tiringiia ni kabane.

Ioane 15:6

Ane aki nim ma Ngai, ao e teweaki nako n ai aron te m'anga, ao e rai. A bobotaki aeka ni m'anga aikai, ao a teweaki nako nanon te ai, ao a bue.