Iobi 14:15 - Te B'aib'ara

¹⁵ Ao ane Ko na wewete ao N na tou, ao Ko na kukurei i rou, ngai ae kanoan Ana karikib'ai baim.

Iobi 14:15 ပူးပေါင်းရင်းမြစ်များ

Iobi 10:3

E koaua b'a e raoiroi b'a Ko na iowawa? E riai i Roum b'a ko na ribaa te aomata are ko bon karaoia? Ao ni kariaia aia waaki aomata aika buakaka?

Iobi 10:8

Ko karaoai ma ni buabuaai ni baim, ao ngkai, Ko a manga tiringai ni baim naba akanne.

Iobi 13:22

Taetae moa Atuau, ao N na kaekako; ke kariaiai b'a N na taetae moa, ao Ko na kaekaai.

Iobi 14:14

E kona ni manga maiu te aomata ngkana e a mate? N na tataningai boong aika raoiroi, boong ake a na toki iai kangaanga aikai.

Iobi 7:21

Ko aki kona ni m'anuokin au bure? Ko aki kona ni kab'arai au bure ake I a tia ni karaoi? N na roko n ruanimateu n te tai ae waekoa, ao N na bua mai kai ngkana Ko kakaaeai.

Taian Areru 138:8

Ko na kakoroa bukin am kaantaninga i buku; te UEA, akea tokin am tangira. Ko na katia te m'akuri are Ko a tia ni moana karaoana.

1.I-Tetaronike 4:17

ao ngaira aika ti maiu n te tai anne ti na uotaki rake ma ngaiia nakon te tabo are a mena iai naang, ao ti na kaitibo ma te Uea i aani karawa; ao n te aro aei ti na memena n taai nako iroun te Uea.

1.Betero 4:19

Ma ngaia aei, b'a akana maraki, ngkai bon nanon te Atua i bukiia, ao a na mwiokoi maiuia n aroia ni karaoa ae e raoiroi iroun te Tia Karikiia ae kakaonimaki.

1.Ioane 2:28

Ma ngaia aei, ngkami aika ataei aika kam uarereke, kam na nim ma Ngaia; b'a ngkana E a manga oki Kristo, ao ti na aki maaku ma ni kaota ae ti rangi ni mamaa i Rouna i matana.