Iobi 14:14 - Te B'aib'ara

¹⁴ E kona ni manga maiu te aomata ngkana e a mate? N na tataningai boong aika raoiroi, boong ake a na toki iai kangaanga aikai.

Iobi 14:14 ပူးပေါင်းရင်းမြစ်များ

2.Tamuera 19:34

Ao e kaeka Baretirai ni kaangai,: Te uea ae ko karineaki, e aera ngkai N na nako Ierutarem? E aki rangi ni maan maiu b'a I a kara.

Iobi 13:15

A bane ni bua au kantaninga, ao tera ngkana arona b'a E tiringai te Atua? B'a N nang kaeta taekau nako Ina.

Iobi 14:13

Tera ngke Ko karabaai i abaia maate, are Ko na karabaai iai ni karokoa tokin unim, ma ni manga karekea te bong teuana are Ko na manga uringai iai ikekei.

Iobi 14:15

Ao ane Ko na wewete ao N na tou, ao Ko na kukurei i rou, ngai ae kanoan Ana karikib'ai baim.

Iobi 14:5

A kaman baaireaki ara bong ni maiu, ao e mena ara tai i Rouna, ao E a tia ni baairea are ti na aki kona n ri aona.

Iobi 20:7

ma e na ukaki nako n ai aron te bubu. Koraki ake a rangi n tataneiai ma ngaia ngkoa, a na mimi b'a e ti bua nako naba.

Iobi 42:16

Ao e maiu Iobi 140 te ririki i mwiin aei. E kauiaia tibuna Iobi, ma tibutoruna

Iobi 7:1

Ti te bo maiun te aomata ma te m'akuri n tautia; kaanga ai aron te kam'akuri ae matoatoa ae karaoia te aomata ni bon rab'atana.

Taian Areru 27:14

Ko na kaantaninga te UEA, Ko na korakora ma n ninikoria; Ko na kaantaninga te UEA.

Te Minita 3:20

A bane n nako b'aai aika a maiu nakon te tabo ae ti teuana. Ti riki man te tano, ao ti na manga okira te tano.

Itaia 8:17

Man te tai arei ni karokoa ngkai, ao I bon tiku naba n onimakina te UEA, e ngae ngke e a aki kukurei iroun Iteraera.

M'akuri 26:8

E aera ngkai e kangaanga iroumi b'a kam na kakoaua ae E a manga kamaiuia maate te Atua?

I-Biribi 3:21

are E na oniki rab'atara aika mangori, b'a a na riki n ai aron rab'atana ae mimitong, ni kabonganaan te m'aaka are E kona iai n tauu taekani b'aai ni kabane.

Te Kaotioti 20:13

Ao marawa e anga maate ake i nanona; te Mate ma Eriti a anga naba maate ake i nanoia; ao a bane maate aikai ni motikaki taekaia ni kaeti ma baike a tia ni karaoi.