Iobi 12:23 - Te B'aib'ara

²³ E karaoia botannaomata b'a a na korakora ma n rikirake, ao i mwiina E a manga kab'akaia ma ni kamaunaia

Iobi 12:23 ပူးပေါင်းရင်းမြစ်များ

Taian Areru 107:38

E kakab'aiaia ana Aomata ni kabatiai natiia; Ao E kawakinia aia kao b'a a na aki kerikaki m'aitiia.

Taian Areru 107:39

Ngke a riki b'a taenikai, ngke a kab'ainrangaki n aaro aika a riki n rawaawata ma ni maraki iai,

Te Otinako 1:20

Ao E kakab'aiaia taani kabung akekei te Atua i bukina ngke bon aomata ngaiia aika mamaaka te Atua,

Te Otinako 1:7

ma a riki rake ni m'aiti aia kariki Iteraera, ao a karikiia natiia aika m'aiti ma ni korakora ni karib'aia kaain Aikubita,

Itaia 26:15

E a tia n rikirake ara botannaomata i bukim, te UEA ae te Atua. A m'aiti riki abara nakon ake mai m'aaina, ao ko karineaki.

Itaia 27:6

N te bong teuana ao ane e na nene wakaaia aomatan Iteraera kaanga te kureebe. Ane a na uee ma ni kariki uaa aika a na kaona te aonnaba.

Itaia 51:2

E rinea Aberaam ao Taara te UEA b'a ami bakatibu. E kakab'aia Aberaam te UEA ao man te aomata ane temanna anne ane a nako maiai kariki aika a m'aiti.

Itaia 60:22

E na riki naba b'a te botannaomata ae e korakora te utu ae te kabanea ni uarereke. Bon te UEA Ngai, ao N na kawaekoaai ni karaoa aei ngkana e roko te tai.

Itaia 9:3

Ara UEA, ko a tia ni kakorakoraia am botannaomata. E reke mairoum kukureia ao karaoan aia bootaki ni kukurei kaaina kaanga taani m'akuri n tain te tai ke kaanga tautia aika a tib'ai b'aai ake a tia n reke irouia.

Ieremia 30:19

A na karineingkami ma n neboingkami botannaomata ake tabeua. A na kaonaki mwengami irouia ataei, ao kam na bukamaru, ma n anene n neboai.

Ieremia 33:22

ao a na kam'aitaki riki ana kariki Tawita ao aia kariki ibonga ake kanoan Rewi nakon taiani itoi i karawa ke tanon te bike.

Tekaria 10:8

N na anga te kanikina nakoia b'a a na roko n ikotaki i bukina ngkai I a tia ni kamaiuia. Ao a na m'aiti aia koraki nakon are mai m'aaina.

M'akuri 17:26

ao E karikiia botannaomata ni kabaneia mairoun te aomata ae temanna, b'a a na maeka i aon te aba ni kabane; ao E a kamani bairea te tai are a na maeka iai, ma tiani neia ni maeka.