Iobi 12:14 - Te B'aib'ara

¹⁴ Ngkana e urub'ai te Atua, akea ae kona ni manga kateia, akea naba ae kona ni kab'ara te aomata ae kainna te Atua n te karabuuti.

Iobi 12:14 ပူးပေါင်းရင်းမြစ်များ

Karikani B'aai 7:16

n aron ana mwioko te Atua. Ao ngke e rinnako Nooa, ao te UEA e kaina mataroan te kaibuke.

Iobi 11:10

Ngkana E katikiko te Atua ma ni kateiko n te bowi, ao antai ae na tuukia?

Iobi 16:11

E anga ngai te Atua nako nanon baiia aomata aika buakaka, ao E kaaki taekau i rouia aomata aika kam'araa.

Iobi 19:10

E oreai n aki akaaka, E kouwakaaea au kaantaninga, ao E katukai b'a N na rai ma ni mate.

Iobi 37:7

E katoki aia m'akuri aomata b'a aonga ni bane ni motirawa man te m'akuri; ao ni kaotia nako ira b'a tera ae kona ni karaoia.

Te Minita 7:13

Iangoi b'aai aika e a tia ni karaoi te Atua! Ngkana arona b'a e kab'aouai b'aai te Atua, ko konaa ni manga kaeti?

Itaia 14:23

E na kanakoia aomata te UEA, ao e na riki te aba b'a te tabo ae e aoneinei ae nneia maan aika a aki manana.

Itaia 22:22

E na anga te UEA te onimakinaki te king are ana b'ai ana utu te Uea are Tawita. E na bon akea ae e na manga konaa ni kauka te b'ai ae e a tia n rokanna, ao bon akea naba ae e na konaa ni manga kaina te b'ai ae e a tia ni kaukia.

Itaia 25:2

Ko a tia n urua nonoia ara kairiribai, ma ni katikuia ma aia kaawa ae e buubura ma te urubekebeke. Bon akea riki te b'ai ae e na manga konaa ni kateaki n te kaawa ane e buubura anne.

Ieremia 51:58

A na tabwenaua oon te kaawa ake a matenten, ao a na bane ni bue mataroana ake a totoakaei. A na aetorake b'a te bubu b'aai ni kabane ake a tia ni m'akuri korakora i bukin karekeaia.

Ieremia 51:64

“Aio aron inakon B'aburon ngkana e uruakaki i roun te UEA. A na bane ni mate kaain te kaawa, ao e na aki manga reke korakorana n teirake.” E bane ikai ana koroboki Ieremia.

Etekiera 26:14

i bukina b'a N na onikiko nakon te b'aa ae akea b'ain aona ike a konaa n taawai i aona aia karaun taan akawa. Boni Ngai ae te UEA ae te Atua ae I karaoa te berita aei.

Maraki 1:4

Ane a na kaangai kanoan Etau, “E ngae ngke urubekebeke ara botannaomata ae e Etom, ma ti konaa ni manga kateia.” Ma I berita Ngai ae te UEA ae Moan te M'aaka b'a N na raebiti b'aai nako akana a manga katei. Ao ane a na ataai aomata nako b'a I aki konaa ni katoka uniu irouia i bukina ngkai e rangi ni korakora aia bure.

I-Rom 11:32

B'a E a tia te Atua ni kabaeia aomata nako i aan te aro n aki-ongeaba, b'a E aonga ni kaota ana nanoanga nakoia ni kabaneia.

Te Kaotioti 3:7

“Ao ko na koroboki nakon ana anera te ekaretia i Biraterebia ni kaangai: “E kaangai Teuare tabu, are kakaonimaki, are iai i rouna ana king Tawita, are ngkana E kauka te mataroa ao akea ae kona ni kainna, ao ngkana E kainna ao akea ae kona ni kaukia.

1.Tamuera 17:46

E na buokai te UEA n te bong aei b'a n na tokanikai i aom. N na oroiko ni kab'akako, ao n na korea atuum ni kanakoa, ao n na anga rab'ataia tautian Biritia ake tekorakina nakoia ma mannikiba ma mannikaakang. Ao e na ataaki n te aonnaba b'a bon te Atua ni koaua Atuaia Iteraera.

1.Tamuera 24:18

Ko a tia ni kaotiko n te bong aei b'a ko bon rangi n raoiroi nako iu, ko aki tiringai, e ngae ngke e kaaki taekau te UEA i nanon baim!

1.Tamuera 26:8

E taku Abitiai nakon Tawita, “E a tia te Atua ni katuka taekan am kairiribai i nanon baim n te tairiki aei, Kariaia b'a N na ewaria n oin ana kainiwai ni kanimm'a ma te tano n ti teuana ruon baiu; I aki manga ewaria riki te kauoua n tai.”