Iobi 11:17 - Te B'aib'ara

¹⁷ E na oota riki maium nakon ootan te tawanou, ao a na oota kaanga te kaarangaina aoan maium ake a rangi n rotongitong.

Iobi 11:17 ပူးပေါင်းရင်းမြစ်များ

1.Rongorongo 29:10

Ao e anenea te anene n nebo nakon te UEA Tawita i mataia aomata ni kabane: I neboiko n taai nako, te UEA! Bon te Atua ngkoe are ko tataromauriaki iroun ara bakatibu are Iakob'a

Iobi 11:18

Ko na maiu ma te rau, ao e na reke am iango. E na kaawakiniko te Atua, ao E na anganiko te motirawa.

Iobi 22:26

Ao ane na kaoniko te Atua n te kukurei, ao ko na tararake nako Ina ma te aki mamaa.

Iobi 22:28

A na kokororaoi bukin b'aai ni kabane aika ko karaoi; ane na oota te oota i aon kawaim nako.

Iobi 29:3

Ngke e kakab'aiaai iai te Atua ni kaota Ana taura i aoni kawaiu. E kairirai Ana taura i buakon te roo.

Taian Areru 112:4

Ai aron te oota ngaia ae oota n te roo i bukiia akana raoiroi; E b'ab'aina te nanoanga ma te ataataiaomata ma te eti.

Taian Areru 37:6

E na kaota raoi koauan ae akea am bure, kanga ai aron itiakin ootan taai n te tawanou.

Taian Areru 92:14

A na teimatoa n uaa e ngae ngkana a kai nikawai, Ao a na teimatoa korakoraia ma mangurorooni baaia.

Taian Areru 97:11

E oota raoiroin te Atua b'a kanga ootan te taura i aoia ana Aomata aika raoiroi; Ao e karika te kim'areirei nakoia.

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.