Iobi 11:14 - Te B'aib'ara

¹⁴ Kanakoa te bure ma te buakaka man am auti.

Iobi 11:14 ပူးပေါင်းရင်းမြစ်များ

Karikani B'aai 4:7

Tiaki ko na boni kukurei ngke ko boni karaoa ae e raoiroi? Ma i bukina ngke ko a tia ni karaoa ae buakaka, ao e aoraia te bure i matan am mataroa. E kan tautaekaniko, ma ko riai n tokanikai i aona.”

2.Uea 17:13

Ma ngaia are, E tuangiia burabeti te UEA b'a a na bon riai ni kauringiia Iteraera ao Iuta n taeka aikai, Boni Ngai ae te UEA, ao I tuangkami b'a kam na katoka karaoan taiani bure, ma ni manga moana te ongotaeka nakon Au tua ma au reirei. I anganiia ngkoa ami bakatibu, ao I a manga tuangiia Au taani m'akuri ake burabeti b'a a na manga kaoki n taekini nakoimi.

Iobi 22:23

Okira te Atua ma te nanorinano, ao katoki b'aai ni kabane aika buakaka ake a kakaraoaki i nanon am auti.

Iobi 22:5

Tiaki ngaia anne, ma E karaoa anne i bukina ngke bon te tia bure ngkoe.

Iobi 34:32

Ko a tia ni butiia te Atua b'a E na kaoti am kaairua nako Im? Ao ko a tia ni kariaia b'a ko na katoka te m'akuri ae buakaka?

Iobi 4:7

Akea te aomata ni koaua ae aki atatai ae mate n uarerekena.

Iobi 8:6

Ngkana ko taku b'a ko raoiroi ma ni kokoaua, ao E na roko te Atua ni buokiko ma ni manga anganiko kaain am auti n aron are mai m'aina b'a kaniwangam.

Taian Areru 101:2

N na b'aina te aro ae moan te raoiroi: Ko na kawarai n ningai? N na b'aina te maiu ae itiaki i nanon au auti;

Itaia 1:15

“E aoria ngkana tao ai iraua ami tataro, N na bon aki kan ongo. Kam a rangi n akiako.

Iakobo 4:8

Kam na kaania te Atua, ao ane E na kaaningkami. Kam na kaitiaki baimi, ngkami aika taani bure; ao kam na kaitiaki nanomi, ngkami akana kam nanououa.

1.Tamuera 7:3

Ao n te bong teuana, ao e tuangiia Iteraera Tamuera ni kaangai, “Ngkana kam bon kan rairaki nakon te UEA, ao kam na anganai kakoauaana, b'a kam na kanakoi atuaia ianena, ni ikotaki naba ma te atua te aine are Nei Atiterota. Rairaki nakon te UEA ma nanomi ni kabane ao taromauriia n ti Ngaia. Ao ane na kamaiungkami mairouia kaain Biritia.”