Iobi 1:21 - Te B'aib'ara

²¹ Ao e taku, “I bungiaki ngkoa n akea au b'ai; ao N na manga mate naba ma akea au b'ai. E anganai au b'ai te UEA, ao ngkai E a manga anai. Ke E neboaki arana!”

Iobi 1:21 ပူးပေါင်းရင်းမြစ်များ

Karikani B'aai 3:19

A na reke kanam mani maonon ram'am ni karokoa manga okiran te tano are ko boni karaoaki mai iai. Ko karaoaki man te tano, ao ane ko na manga bon okira te tano.”

Karikani B'aai 30:2

Ao e un Iakob'a iroun Nei Rakera ao e taku, “I aki kona ni karaoa ana m'akuri te Atua b'a boni Ngaia ae aki anganiko te aki kakariki.”

Karikani B'aai 45:5

Kam na aki nanokawaki, ke ni bukiningkami i bon iroumi i bukina ngke kam kabooai nako ikai. Bon te Atua ae kanakoai n ri moami nako ikai b'a N na kamaiuia aomata.

2.Tamuera 16:12

Ma I taku b'a ngkana e ongo te UEA taeka ni kamaraia aikai ma n noora te kangaanga ae I a mena i nanona, ao I taku b'a E na bon nanoangaai ao N na aki maraia.

1.Uea 12:15

Ao ngke a ataia aomata b'a e aki kan ongo Reoboam irouia ao a takaarua ni kaangai, Ti na aki kakaonimaki nakon ana utu Tawita. Ti a kona ni karaoa are ti bon tangiri, nakomai Iteraera. Ti a okira mwengara. Ke e bon tautaekaniia ake bon oin ana botannaomata Reoboam. E mataniwi Atoram i aoia reib'a ake a kam'akuraki ma te matoa, ao e kanakoaki iroun Roboam b'a e na taetae nakoia aomata. Ma a karebanaia aomata n te atibu ni karokoa matena, e a manga birinako Roboam nakon ana kaa ni buaka ao e kawaekoaa n okira Ierutarem. Ma ngaia are, a okira mwengaia aomatan te baronga are meang mai Iteraera, ao a katuka Roboam b'a e na tii tautaekaniia kaain te kaawa are Iuta. Ao a teimatoa aomatan Iteraera ni moa man te bong anne ni kakaitaraa ana utu Tawita i Iuta. A bane n riki b'aai aikai n aron are e tia n tuanga Ieroboam ana burabeti te uea are Aiia.

2.Uea 20:19

Ao e iango i nanona Etekia ao e taku i nanona, E na bon ti rau ara botannaomata i nanon te tai ae e uarereke. Ma ngaia are, e taku nakon Itaia, Akea te kaangaanga n te rongorongo ane ko uotia nako iu mairoun te UEA.

Neemia 9:5

Ao i mwiina, ao a taku kanoan Rewi, Ietua, Katemiera, Bani, Atiabeneia, Oria, Tebania, ao Betaia: “Teirake ao takaarua n nebonebo nakon te UEA, te Atua ae akea tokina! Neboa arana ae e kamimii, e korakora riki nakon ae e konaa ni kab'arab'araaki n te taeka.”

Iobi 1:11

Ma ngkana Ko anai b'aai ni kabane ngkai mai rouna-ane na taetae n aki akaaka nako Im bon i reben taningam!”

Iobi 2:10

Ao e kaeka Iobi, “Ko taetae ni baba. Ngkana E anganiira baika raraoi te Atua, ao ti kariaia, ao e aera ngkai ti na ngurengure ngkana E anganiira taiani kangaanga?” Bon akea te b'ai ae taekinna Iobi ni kaaitaraa te Atua i bukin kamarakakina aikai ni kabane.

Iobi 9:12

E anaa te b'ai ae bon taku, ao bon akea temanna ae kona ni katokia; akea temanna ae na kataia n titirakinna ni kaangai, tera ae Ko karaoia?

Taian Areru 34:1

N na karaoiroa te UEA n te bong ae koraki; N na aki toki ni karaoiroia.

Taian Areru 34:2

N na karaoiroia i bukini baika E a tia ni karaoi; A na kukurei akana karawaawataaki ngkana a ongo taekana!

Taian Areru 39:9

I aki ngongoo; I aki taetae naba teutana, b'a boni ngkoe ae ko karika aei.

Taian Areru 49:17

E aki kona n uotia nako ngkana e mate; E aki kona n airi ma kaub'aina nakon te ruanimate.

Te Minita 12:7

Ma ngaia are, a manga oki rab'atara nakon te tano, ao te ikeike ni maiu e na okira te Atua.

Te Minita 5:14

Ao ane a na karina ni bua b'aai ni kabane ake a karekei man te anga n iokinib'ai ae e buakaka, ao ane e na akea ae e na tiku i bukiia natiia.

Te Minita 5:15

A roko nakon te aonnaba ni bebeekan, a na mate, ao a na bebeekan naba. Bon akea te b'ai ae a konaa ni uotia nako, ao akea naba te b'ai ae a na konaa ni kaotia i bukin aia m'akuri ni kabane.

Te Minita 5:19

Iangoia b'a aongkoa ko a rangi ni kaub'ai, ao ko a kukurei n am b'ai nako. I mwiina, waakinako ao kakukureiko n te m'akuri ae e rawaawata-bon aei ana b'aintangira te Atua nakoim.

Itaia 24:15

Ai ngaia are, a na riai n neboa te UEA, ae Atuan Iteraera aomata ni kabane ake i mainiku ao aomata ake i aon taian abam'akoro.

Itaia 42:24

E bubure Iteraera ao e rawa n ongotaeka iroun te UEA ke n aki iri ana babaaire. Ma ngaia are, e karaoia te UEA b'a a na iraeaki aia b'ai ni kabane.

Itaia 45:7

I karika te oota ao te roo, te kukurei ao te nanokawaki. Boni Ngai ae te UEA ae I karaoi baikai ni kabane.

B'aeb'aeti 3:38

E tautaekana te raoiroi ma te buakaka.

Amota 3:6

Ana kona n aki maaku aomata ngkana e tang te bu ni kaota buakanakin te kawa? Ana kona n roko buaka n orea te kaawa ngkana e aki karokoa te UEA?

Mataio 20:15

Tiaki b'a iai i rou te inaomata ni karaoa ae I tangiria ma au b'ai? E aera b'a ko na moanoku ngkai iai i rou te nano n akoi?”

M'akuri 4:28

B'a a na karaoi b'aai ni kabane ake Ko a tia ni bairei ni m'aakam ma nanom b'a a na karaoaki.

I-Ebeto 5:20

ao kam na aki toki ni katituaraoa te Atua are te Tama n aran ara UEA are Iesu Kristo, i bukini b'aai ni kabane;

1.I-Tetaronike 5:18

kam na katituaraoi ni b'aai ni kabane. B'a bon aei nanon te Atua i bukimi ngkai kam reitaki ma Kristo Iesu.

1.Timoteo 6:7

B'a bon akea te bae ti uotia nako aon te aba, ao bon akea te bae ti na uotia nako mai aon te aba;

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

Iakobo 5:11

Noria, ti taku b'a a kab'aia ake a nanom'aka. Kam a tia n ongo nanom'aakan Iobi, ao kam ata aron te Uea n tabeakinna n tokina. B'a moan te nanoanga te Uea, ao E akoi.

Ruuta 1:21

b'a ngke I kitana ikai ngkoa, ao I bon toamau raoi, ma e a kaokai te UEA n arou aei. Bukin tera b'a kam na aranai b'a Naomi ngkai E kaota ekinakoau, ma karawawataau teuare Moan Te M'aaka?”

1.Tamuera 2:7

Ara UEA boni Ngkoe ae Ko karikiira b'a kaub'ai ke taiani kainano. Ko kamenakiia tabeman ni m'akuri aika rietaata ao Ko kab'akaia tekorakina.

1.Tamuera 2:8

Ko tabekiarake aomata aika kainano ao aika akea mwengaia Ko anaia mai buakon turam ni maange ao Ko anganiia te nne ae karineaki i nanon taiani bareti. Ko katea te aonnaba i aon taian aana, ao bon am b'ai.

1.Tamuera 3:18

Ao e tuanga Eri b'aai ni kabane Tamuera. Ao i mwiina, e taku Eri, “Bon te UEA, ao E na bon karaoa te b'ai ae eti.”