Ioane 9:35 - Te B'aib'ara

³⁵ E ongo taekan teuare a tia ni kaureaki matana Iesu ngke e kaotinakoaki. Ngke e reke i rouna, ao E titirakinna ni kaangai, “Ko onimakina Natin te Aomata?”

Ioane 9:35 ပူးပေါင်းရင်းမြစ်များ

Taian Areru 2:12

Kaota karinean natina b'a ngkana kam aki, ao E na un iai, ao E na kamaunaingkami. Ma E na kakab'aiaia ni kabane akana a biri nakoina.

Taian Areru 2:7

N na taekina te berita are E atongnga te UEA nako iu: “Natiu ngkoe, b'a n te bong aei I a riki b'a tamam.

Taian Areru 27:10

Tao a kona ni kitanai tamau ma tinau, ma E na m'aneai n akoai te UEA.

Mataio 14:33

Ao aomata ake n te booti a bobaraaki ni karinea ao a kangai, “Bon te koaua b'a Natin te Atua Ngkoe!”

Mataio 16:16

E kaekaa Timon Betero ao e taku, “Bon te Kristo Ngkoe, are Natin te Atua are maiu.”

Mataio 4:3

Ao E kawaria te riaboro ao e taku nako Ina, “Ngkana Natin te Atua Ngkoe, ao Ko na tua b'a a na riki ni kariki atiibu aikai.”

Mareko 1:1

Moan euangkerion Iesu Kristo are Natin te Atua,

Ioane 1:18

Bon akea temanna ae e a tia n nora te Atua; te Nati are te rikitemanna, are memena i rarikin te Tama, boni Ngaia ae kaota raoi te Atua nakoia aomata.

Ioane 1:34

I a tia n noria ao n tataetae ni kakoaua i bukina: bon Natin te Atua Ngaia.”

Ioane 10:36

ao e aera ngkanne b'a kam na kaangai, Ko bakanatua, i bukina ngke I kaangai, Natin te Atua Ngai? Ao bon te Tama ae rineai ao E kanakoai nako aonnaba.

Ioane 11:27

E kaeka ao e taku, “Eng, te Uea. I kakoaua b'a te Kristo Ngkoe, are Natin te Atua, are Ngaia are na roko i aonnaba.”

Ioane 20:28

E kaeka Toma ao e taku nakoina, “Au Uea ao Atuau!”

Ioane 20:31

ma a koreaki aikai b'a kam aonga ni kakoaua b'a Iesu bon te Kristo, are Natin te Atua; ao ngkai kam onimakinna, ao e na reke iroumi te maiu n arana.

Ioane 3:36

Ane onimakina te Nati ao e reke i rouna te maiu are aki toki; ao ane aki ongotaeka nakon te Nati, ao e na aki reke i rouna te maiu, ma e memena unin te Atua i aona.

Ioane 5:14

E aki rangi ni maan i mwin arei, ao Iesu E nora teuarei n te Tembora, ao E taku nakoina, “Noria, ko a tia ni kamaiuaki, ma ngaia are ko na aki manga bure, b'a e kaawa n riki nako im te b'ai ae buakaka riki.”

Ioane 6:69

Ti kakoauako ao ti ataiko b'a Teuare Moan te Raoiroi Ngkoe, are Natin te Atua.”

Ioane 9:22

A atonga aei ana karo b'a a makuia I-Iutaia, i bukin are a tia ni kabo nanoia n taku b'a te aomata ane atonga Iesu b'a te Kristo, ao a na tukiia b'a e na aki manga roko ni m'aneabaia I-Iutaia.

Ioane 9:34

A kaeka ao a taku nakoina, “Te aomata ni bubure ngkoe, ni moa man te tai are ko bungiaki iai, ao ko na reireiniira? Ao a taua ma te matoa ni kaotinakoa man aia m'aneaba I-Iutaia.”

M'akuri 8:36

Ao ngke a wakina kawaia, ao a roko n te tabo ae iai te ran iai; ao e taku te iunaki, “Noria, kai aei te ran; tera ae tukai b'a N na aki b'abetitoaki?”

M'akuri 8:37

E taku Biribo nakon te iunaki, Ko na b'abetitoaki ngkana ko onimaki ma nanom ni koaua. Ao ngaia e taku, I kakoaua b'a Iesu Kristo bon Natin te Atua.

M'akuri 9:20

E nako ni m'aneaba nako ao e tataekina Iesu b'a Natin te Atua Ngaia.

I-Rom 1:4

ma ni maiuna n tamnei are reitaki ma te Atua, ao E kaotia te Atua n te aro ae m'aaka b'a bon Natina ngke E a manga kamaiua mai buakoia maate.

I-Rom 10:20

Ao e taetae Itaia n aki maku, ngke e taekina ana taeka te UEA are e kaangai: “I a reke irouia akana aki ukoukorai; I kaotai nakoia akana aki titiraki taekau.”

1.Ioane 4:15

Ane kaotia n ana taeka b'a e onimakina Iesu b'a bon Natin te Atua, ao E nim te Atua ma ngaia, ao ngaia e nim ma te Atua.

1.Ioane 5:10

Ane onimakina Natin te Atua ao e kawakini baike E a tia n taekin te Atua b'a a koaua. Ane aki ira nanon ana taeka te Atua ao e riki ngaia b'a te tia kewe, b'a kioina ngke e aki kakoaua ana kaotioti te Atua are E taekinna i bukin Natina.

1.Ioane 5:13

I koroi baikai nako imi, b'a kam aonga n ataia b'a bon iai i roumi te maiu are aki toki, ngkami akana kam onimakina aran Natin te Atua.

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.

1.Ioane 5:5

Ao antai ae kataea ana kai te aba, tiaki ane kakoaua b'a bon Natin te Atua Iesu?

3.Ioane 1:10

Ma ngaia aei, ngkana tao I roko iroumi, ao N na kauring b'aai ake e karaoi ngke e wibuakaira n taeka aika bubuaka. Ao e aki toki ikanne. E rawa ni butim'aia taari akekei, ao e tukiia ake a kani butim'aia ma ni kab'akaia man te ekaretia.