Ioane 9:2 - Te B'aib'ara

² A titirakinna ana reirei ao a taku, “Te Tia Reirei, antai ae bure ngkae e bungiaki ni matakii teuaei? Ngaia ke ana karo?”

Ioane 9:2 ပူးပေါင်းရင်းမြစ်များ

Te Otinako 20:5

Kam na aki bobaraaki nakoia bouannanti; ke n taromauriia, b'a bon te UEA ae Atuami Ngai, ae I taua ni nne i roumi. I katuaaia naba te koraki ake a ribaai ni karokoa naba kanoaia rikaaki, nakon te katenroro ao te kaaroro.

Mataio 16:14

Ao ngaiia a kangai, “A taku tem'angina b'a Ioane are te tia B'abetito. Ao tem'angina, b'a Eria; ao tem'angina b'a Ieremia, ke te burabeti riki temanna.”

Mataio 23:7

A tangiria b'a a na kamauraki n te aro ni karinerine n taabo ni m'akete, ao b'a a na atongaki irouia aomata b'a taan reirei.

Mataio 23:8

Ma ngkami, kam na aki atongaki b'a ‘Taan Reirei’, b'a ti temanna ami Tia Reirei, ao taari ngkami ni kabaneingkami.

Ruka 13:2

Ao E kaekaia ni kangai, Kam taku b'a a buakaka riki I-Kariraia akekei nakoia I-Kariraia ni kabaneia i bukin ae a kamarakaki n te aro aei?

Ioane 4:31

A butia ngkanne Iesu ana reirei ni kaangai, “Te Tia Reirei, Ko na am'arake.”

Ioane 9:1

Ngke E tabe n nakonako Iesu, ao E nora te aomata ae matakii ma ngke e moa ni bungiaki.

Ioane 9:34

A kaeka ao a taku nakoina, “Te aomata ni bubure ngkoe, ni moa man te tai are ko bungiaki iai, ao ko na reireiniira? Ao a taua ma te matoa ni kaotinakoa man aia m'aneaba I-Iutaia.”

M'akuri 28:4

Ngke a nora te naeta n tinetine ni baini B'auro, ao a i taetae irouia kaain te tabo arei, ni kaangai, “Bon te koaua b'a te tia tiritiri te aomata aei: b'a e ngae ngke e reke maiuna mai tari, ma e aki kariaia antin te kaetitaeka b'a e na maiu.”