Ioane 8:48 - Te B'aib'ara

⁴⁸ A kaeka I-Iutaia ao a taku nakon Iesu, “Tiaki b'a e eti ara taeka ngke ti taku b'a te I-Tamaria Ngkoe, ao iai iroum te taimonio?”

Ioane 8:48 ပူးပေါင်းရင်းမြစ်များ

Itaia 49:7

Iteraera, bon te UEA Ngai ae te Atua ae e tabu, are e kamaiuko. Bon te toro ngkoe irouia taan tautaeka ao taian botannaomata ake a kabuaakakako.

Itaia 53:3

E ririibaaki ao e katinanikuaki; e onrake maiuna n te nanokawaki ao te rawawata ae e kakamaaku. Bon akea temanna ae e kan tarataraia. Ti kabuakaka ao ti kaangai, “Te aomata n aki akaaka!”

Mataio 10:25

E na rau nanon ane reireiaki ngkana e reke i rouna katotongan aron ana tia reirei, ao ai aron naba te toro ngkana e reke i rouna katotongan aron ana toka. Ngkana a atonga mataniwin te utu aomata b'a Beretebub'a, ao ai bati ra riki irouia atongaia kaain ana utu n aara aika bubuaka riki!

Mataio 10:5

E kanakoia uake tengauni ma uoman Iesu, ao E tuangiia ni kangai, Tai nako n taabo aika a mena iai aomata akana tiaki I-Iutaia, ao tai rin n aia kawa I-Tamaria;

Mataio 11:18

B'a e roko Ioane n aki am'am'arake ma n aki momooi, ao a kangai aomata, Iai i rouna te taimonio.”

Mataio 12:24

Ma ngke a ongo B'aritaio, ao a taku, “E kanakoia taimonio Teuaei ti ni m'aakan Beretebub'a are aia uea taimonio.”

Mataio 12:31

Ma ngaia ae I taku nako imi, A bane ni kab'araaki aia bure aomata ma taetaebuaka ake a taekin, ma te bure ae te taetaebuaka nakon te Tamnei are Raoiroi e na bon aki kab'araaki.

Mataio 15:7

Ngkami aika taani m'am'ana-te-aba! E eti ana taeka Itaia ngke e taekiningkami ni kangai,

Ioane 1:19

Ao aikai ana taeka Ioane nakoia ibonga ma taian Rewi ake a kanakoaki nakoina irouia I-Iutaia mai Ierutarem, b'a a na titirakinna ni kaangai, “Antai ngkoe?”

Ioane 10:20

A m'aiti aomata i buakon te koraki arei ake a kaangai, “Iai i rouna te taimonio, ao e rangirang; kam aera ngkai kam ongora i rouna?”

Ioane 13:13

Kam atongai b'a te Tia Reirei ao te Uea; ao e eti ami taeka, b'a boni Ngai.

Ioane 4:9

E kaekaa Iesu neierei ao e taku, “Ko kanga ni butiai nimam, ngkai te I-Iutaia Ngkoe, ao ngai ainen Tamaria?” B'a a aki kan reitaki naba teutana I-Iutaia ma I-Tamaria.

Ioane 7:20

A kaeka aomata ao a taku, “Iai iroum te burababa; antai ae ukoukora kamateam?”

Ioane 8:22

Ma ngaia are, a taku I-Iutaia, “E na bakabureia ngkae E kaangai, Kam aki kona n roko ike N na nako iai?”

Ioane 8:52

A taku I-Iutaia nakoina, “Ti a ataia raoi ngkai b'a iai iroum te taimonio! E mate Aberaam, ao a mate naba burabeti; ao Ngkoe ko kaangai, Ane ongeaba nakon au taeka, ao e na bon aki mate.

I-Rom 15:3

B'a E aki kakukureia i bon i rouna Kristo; n ai aron are koreaki ni kaangai, “A b'akarai aia taeka n iowawa ake a taetae n iowawa nako im.”

Ebera 13:13

Ma ngaia ae ti na nako Ina i tinanikun te nne ni maeka n rianna, n uaia n uataboa ma Ngaia kamamaaeana.

Iakobo 2:19

Ko taku b'a ti temanna te Atua; e eti am taeka anne. A boni kakoaua naba te taeka anne taian taimonio, ao a ruru ni maku.