Ioane 8:12 - Te B'aib'ara

¹² E a manga taetae Iesu nakoia aomata, ao E taku, “Ngai te oota nakoia aomata i aonnaba. Ane irai, ao e na bon aki nakonako n te roo, ma e na reke i rouna te oota are na anganna te maiu.”

Ioane 8:12 ပူးပေါင်းရင်းမြစ်များ

Iobi 33:28

E kaawakinai b'a N na aki roko i abaia maate, ao ai ngaia ae a riki n teimatoa iai maiu.”

Taian Areru 18:28

Te UEA ae Atuau, anganai te oota; Kaota te roo ae I mena iai.

Taian Areru 49:19

Ma e na boni bootaki naba ma ana bakatibu ngkana e mate, ike a aki kona ni manga nora iai te oota.

Taian Areru 97:11

E oota raoiroin te Atua b'a kanga ootan te taura i aoia ana Aomata aika raoiroi; Ao e karika te kim'areirei nakoia.

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Itaia 9:2

A tia n noora te oota aomata ake a tia n nakonako i nanon te roo. Ao a oota nako i aoia ni kabane aomata ake a maeka n te aba are te kabanea n rootongitong nuuna.

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Mataio 5:14

Ai aron ootan te aonnaba ngkami. E aki kona n raba te kawa ae kateaki i aon te maunga.

Ruka 2:32

Ae te oota are na kaota nanom nakoia botannaomata ake Tientaire ao e na uota karineaia am aomata ake Iteraera.”

Ioane 12:35

E taku ngkanne Iesu nakoia, “E na aki rangi ni maan ana tai te oota ni mena i buakomi. Ma ngaia are, kam na nakonako ngkai iai te oota, b'a e kaawa n taoningkami te roo; ane nakonako n te roo, ao e aki ata ike e nako iai.

Ioane 12:36

Ngkai iai te oota iroumi, ao kam na onimakinna, b'a kam aonga n riki b'a natin te oota.” Ngke E a tia n atongi baikai Iesu, ao E nako ni karaba mai rouia.

Ioane 12:46

I roko b'a te oota i aonnaba, b'a e na aki mena n te roo ane onimakinai.

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

Ioane 3:19

Ao aio te b'ai ae e motikaki taekan te aba iai: b'a e a roko te oota i aon te aba, ao aomata a tangira riki te roo nakon te oota, i bukina ngkai a bubuaka aia m'akuri.

Ioane 7:17

Ane kukurei ni karaoa nanon te Atua, ao e na ataia iai b'a te b'ai ae I anga b'a au reirei e nako mairoun te Atua, ke e nako boni man au iango.

Ioane 9:5

Ngkai I mena i aonnaba, ao te oota Ngai i bukin aonnaba.”

M'akuri 13:47

B'a boni ngaia are ti tuangaki iai iroun te UEA, ni kaangai, “I kateiko b'a te oota Ngkoe nakoia aomata aika aki onimakina te Atua, ao te kawai ni kamaiu nakoia aomata nako i aonnaba.”

M'akuri 26:23

b'a E na maraki ni mate te Kristo, ao arona ngkae E na manga uti mai buakoia maate, b'a E na moani kaota te oota nakoia te botannaomata ae Iteraera ma aomata aika tiaki I-Iutaia.

2.Betero 2:17

Boni kanga m'anib'a aika akea te ran i nanoia te koraki aei, ao kanga mabubu aika buti b'a a ukaki n te ang ae baibati; e kawakinaki i bukiia neia n te roo ae rotongitong.

2.Betero 2:4

B'a E aki kamaiuia anera te Atua ake a bure, ma E teweia nako moone, ike a kabaeaki n taurekereke i nanon te rotongitong, ike a kabaeaki iai n taurekereke i nanon te roo b'a a na kawakinaki iai ni karokoa motikan taekaia.

1.Ioane 1:6

Ngkana ti taku b'a ti i raorao ma Ngaia, ao ngkana ti bon nakonako n te roo, ao ti kewe iai, ao ti aki karaoa ae koaua;

Iuta 1:13

kanga naoni marawa aika kakamaaku ma aroia aika kamamaa aika noraki b'a kanga buroburon naao; kanga itoi aika tiotio nako, aika e kawakinaki i bukiia neia n aki toki n te roo ae rotongitong.

Iuta 1:6

Ao anera ake a aki rauaki ni neia ni m'aka are a katauaki iai ma a kitan oini mwengaia, a kawakinaki i Rouna ni kabaeaki n taurekereke aika akea tokiia n te tabo ae rotongitong i m'ain te motiki-taeka n te bong are kakannato;

Te Kaotioti 21:24

Ane a na nakonako botannaomata n ootana, ao ueea i aonnaba a na uoti kaub'aia nako nanona.