Ioane 6:63 - Te B'aib'ara

⁶³ Ae E anga te maiu bon Tamnein te Atua; akea irouia aomata ae kona ni karaoa aei. A riki taeka aika I a tia n atong b'a kawain rokon te Tamnei ao te maiu iroumi.

Ioane 6:63 ပူးပေါင်းရင်းမြစ်များ

Karikani B'aai 2:7

Ao E buatii taian tano tabeua te UEA ae te Atua man tanon aonnaba, ao E karaoa te mm'aane mai iai; ao E uka te ikeike ni maiu nako b'angab'angan b'airina, ao e a maiu te mm'aane arei.

Taian Areru 119:130

E karekea ootan nanoia akana bangab'ai am Taeka, Ao e kawanawanaia naba.

Taian Areru 119:50

E bebete nanou n au tai n rawaawata, B'a e anganai te maiu am Taeka.

Taian Areru 119:93

N na bon aki m'am'anuoki am Taeka, b'a Ko anganai maiu iai.

Taeka n Rabakau 4:13

Baimatoa au reirei ao ko na aki kanakoi. E na bon anganiko kakaawakin te maiu aei.

Ioane 5:21

B'a aron te Tama ngkai E a manga kamaiuia aika mate, ao E angania te maiu, ao ai aron naba te Nati, E anga te maiu nakon ane E bon taku.

Ioane 6:68

E kaekaa Betero ao e taku, “Te Uea, ti na nako n antai? A mena iroum taeka aika e reke mai iai te maiu are aki toki.

M'akuri 5:20

“Kam na nako n tei i nanon te Tembora, ao tuangiia aomata taekan te Maiu aei ni kabane.”

I-Rom 10:17

Ma ngaia ae e reke te onimaki man te ongora n te rongorongo, ao te ongora n te rongorongo e reke man tataekinani Kristo.

I-Rom 2:25

B'a bon iai bongan te korotabonim'aneaki ngkana ko toua mwin te Tua; ma ngkana te tia ri aon te Tua ngkoe, ao e riki korotabonim'aneakim b'a te b'ai ae akea nanona.

I-Rom 8:2

B'a ana tua te Tamnei, are karekea te maiu nako ira i nanoni Kristo Iesu, e kainaomataai man ana tua te bure ma te mate.

1.I-Korinto 15:45

Ao ai aron naba are koreaki ni kangai, “Te moa n aomata are Atam bon te aomata ae maiu”; Te kabanea n Atam bon te tamnei ni kamaiu.

I-Karatia 5:25

Ngkana te Tamnei ae ti maiu i rouna, ao boni Ngaia naba ae na kairi maiura.

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

I-Karatia 6:15

B'a e aki kakawaki te korotabonim'aneaki ke te aki-korotabonim'aneaki, ma e kakawaki reken te maiu ae boou ni maiun te aomata.

Te Tua-Kaua 32:47

Bon tiaki taeka aika akea nanoia taian tua, b'a a kona ni kananaui maiumi n te aba are kam nang anaia.

1.I-Tetaronike 2:13

Ao aei naba bukin te bae ti aki toki ni katituaraoa iai te Atua: b'a ngke kam butim'aea ana taeka te Atua mai roura, ao kam kaki i nanomi b'a tiaki aia taeka aomata, ma n etina ni koaua, bon ana taeka te Atua ane m'am'akuri i nanomi ngkami akana kam onimaki.

1.Timoteo 4:8

B'a bon iai teutana bonganani kataneiaan te rab'ata b'a e na marurung, ma te maiu n reitaki ma te Atua e bongana i bukini b'aai ni kabane, ngkai iai taeka n akoi, ae iai te kab'aia iai i bukin te maiu aei, ao i bukin te maiu ae na roko.

Ebera 13:9

A na tai anaaki nanomi n aeka n reirei nako aika kaokoro ma taekan te euangkerio. B'a e raoiroi ae reke kateimatoan te nano n te akoi, ma tiaki n taian am'arake, aika akea kab'aiaia iai akana katabeia iai.

Ebera 4:12

B'a e maiu ana taeka te Atua, ao e m'am'akuri ao e kakang riki nakoni kabaang aika uaitera wiia ni kabane, ao e ewara nako te aomata nakon te tabo are a kaitibo iai te maiu ma te tamnei, ao taian toma n ri ma kanoan ri; ao e atai raoi ana iango te nano ma baika riki iai.

Iakobo 1:18

E karikira n oin nanona, n te taeka are te koaua, b'a ti na riki b'a kanga moani-b'ai i buakoia akana karikaki i rouna.

1.Betero 1:23

B'a n ana taeka te Atua, ae te taeka ae maiu ae teimatoa, ao ai aron ae kam a manga bungiaki, tiaki mairoun te karo ae mamate, ma mairoun te karo ae aki mamate.

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;

1.Betero 3:21

Ao te b'abetito, are aekan te ran arei, e kamaiungkami ngkai, tiaki ni kaitiakan te baareka man te rab'ata, ma n te kaeka nakon te Atua mani mataniwin te nano ae itiaki. E kamaiungkami ni manga-utin Iesu Kristo;