Ioane 6:38 - Te B'aib'ara

³⁸ B'a I roko mai karawa, tiaki i bukini karaoan nanou, ma i bukini karaoan nanon Teuare kanakomaiai.

Ioane 6:38 ပူးပေါင်းရင်းမြစ်များ

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Mataio 20:28

B'a aron Natin te Aomata ngkae E aki roko b'a E na tautoronaki te aba i Rouna, ma E roko b'a E na toro irouia aomata, ao b'a E na anga maiuna b'a b'aini kainaomataia aomata aika bati.

Ioane 3:13

Akea te aomata ae rierake nako karawa, ma bon ti Teuae ruo mai karawa, ae Natin te Aomata.”

Ioane 3:17

B'a E aki kanakoa Natina te Atua nako aon te aba b'a E na motika taekana, ma E kanakoa b'a e na kamaiuaki te aba i rouna.

Ioane 3:31

Teuare nako mai karawa E kakannato riki nakoia aomata ni kabaneia. Ane nako mai aon te aba, ao boni kaain aon te aba, ao e taekini b'ain aon te aba; ma Teuare nako mai karawa e kakannato riki nakoia aomata ni kabaneia.

Ioane 4:34

E taku Iesu nakoia, “Kanau bon te ongeaba nakon nanon Teuare kanakomaiai, ao te katia ana m'akuri.

Ioane 5:19

E kaekaia Iesu ngkanne ao E taku nakoia, “I tuangngkami ma te koaua, b'a akea te b'ai ae E kona ni karaoia te Nati i bon i rouna, ma ti are E noria b'a E karaoia te Tama; b'a b'aai ake E karaoi te Tama, ao E karaoi naba te Nati.

Ioane 5:30

Akea te b'ai ae I kona ni karaoia n aron te m'aaka ae iai irou. I motiki-taeka n ai aron tuangau iroun Tamau, ao e eti au motiki-taeka i bukina b'a I aki ukoukora are oin nanou, ma I ukoukora nanon Tamau are kanakomaiai.

Ioane 6:29

E kaeka Iesu ao E taku, “Te b'ai ae E tangiria te Atua b'a kam na karaoia bon aei: kam na onimakina ae E a tia ni kanakomaia.”

Ioane 6:33

B'a te am'arake ae E anga te Atua boni Ngaia ae ruo mai karawa, ao E anga te maiu nako aonnaba.”

Ioane 6:42

Ao a taku, “Tiaki Iesu Teuaei, are natin Ioteb'a? Ti kinaa tamana ma tinana. E na kanga ngkanne ni kaangai, I ruo mai karawa?”

Ioane 6:57

Ngkai E kanakomaiai te Tama are mai Rouna te maiu, ao Ngai I maiu i bukin te Tama, ao te aomata ngkanne ane kanai e na maiu i buku.

I-Rom 15:3

B'a E aki kakukureia i bon i rouna Kristo; n ai aron are koreaki ni kaangai, “A b'akarai aia taeka n iowawa ake a taetae n iowawa nako im.”

I-Ebeto 4:9

Ao tera nanon ae E rierake? Iai nanona ti ngkana E a tia n ruo moa nakon taabo i nano i aan te aba.

Ebera 5:8

E boni ngae ngke te Nati, ma E reireinaki te ongeaba ni baike E maraki iai;