Ioane 6:28 - Te B'aib'ara

²⁸ Ma ngaia are, a titirakinna ni kaangai, “Tera ae ti riai ni karaoia b'a ti aonga ni karaoa iai are E tangiria te Atua?”

Ioane 6:28 ပူးပေါင်းရင်းမြစ်များ

Ieremia 42:20

Kam buubutiai b'a N na tataro ma ni karekea nanon te UEA ae Atuara b'a tera ae e tangiria b'a ti na karaoia, ao kam berita b'a kam na ongotaeka i Rouna. Ma bon te bure ae e moan te kakamaaku te b'ai anne,

Mataio 19:16

Ao noria, e roko te aomata temanna iroun Iesu, ao e taku, “Te Tia Reirei, tera ae raoiroi ae N na karaoia, b'a e aonga n reke iai i rou te maiu are aki toki?”

Ruka 10:25

Ao noria, e tei rake te rooia temanna b'a e na kataia, ao e kangai, “Te Tia Reirei, tera ae N na karaoia b'a e aonga n reke i rou te maiu are aki toki?”

Ioane 6:27

Kam na aki m'akuri ni karekea te am'arake ae kai buakaka, ma kam na uaiakina reken te am'arake ae teimatoa, ae te am'arake i bukin te maiu are aki toki.”

Ioane 6:29

E kaeka Iesu ao E taku, “Te b'ai ae E tangiria te Atua b'a kam na karaoia bon aei: kam na onimakina ae E a tia ni kanakomaia.”

M'akuri 16:30

ao e kairiia ni kaotinakoia ao e taku, “Mm'aane, tera ae riai b'a N na karaoia b'a I aonga ni kamaiuaki?”

M'akuri 2:37

Ngke a ongo aei aomata ao a teke nanoia; ma ngaia are a taku nakoni Betero ma taan tuatua ake raona, “Taari, tera ae ti na karaoia?”

M'akuri 9:6

“Ma ko na teirake, ao naako rin n te kaawa, ao ane ko na tuangaki iai te baere riai b'a ko na karaoia.”

Te Tua-Kaua 5:27

Moote, naako waerake ni kaaniiko ma te UEA n ongo i Rouna. Ao manga okirira n tuangiira, ao ti na karaoi b'aai ni kabane akana E taekin.