Ioane 5:41 - Te B'aib'ara

⁴¹ “I aki kakaea te kamoamoaki mairouia aomata.

Ioane 5:41 ပူးပေါင်းရင်းမြစ်များ

Ioane 12:43

b'a a tangira riki kamoamoaaia irouia aomata nakoni kamoamoaaia iroun te Atua.

Ioane 5:34

Tiaki b'a aongkoa I kainanoa aia kaotioti aomata i buku; ma I taekina ana kaotioti Ioane b'a kam aonga ni kamaiuaki.

Ioane 5:40

ma kam aki kan nako iu b'a e kaawa n reke iroumi te maiu are aki toki.

Ioane 5:42

Ma I ataingkami b'a akea tangiran te Atua i nanomi.

Ioane 5:44

Kam na kanga ni kona n onimakinai ngkai kam butim'aea te kamoamoaki mairoun temanna ma temanna, ao kam aki ukoukora te kamoamoaki mairoun Temanna are bon ti Ngaia te Atua?

Ioane 6:15

Ngke E ataia Iesu b'a a nangi roko aomata n taua ma te matoa b'a a na kauea, ao E a manga oki nakon te maunga, n ti Ngaia.

Ioane 7:18

B'a te aomata ane taetae n oin nanona, ao e kataia ni karekea kamoamoana bon i bukina. Ma te aomata ae tangira kamoamoakin Teuare kanakomaia, ao E kaotia b'a e taekina te koaua, ao tiaki te kairua.

Ioane 8:50

I aki ukoukora neboakiu. Ma iai ane ukoukoria, ao E motiki-taeka.

Ioane 8:54

E kaekaia Iesu ao E taku, “Ngkana I neboai, ao akea bonganan neboau. Ae neboai bon Tamau, are kam taku b'a Atuami.

1.I-Tetaronike 2:6

Ti aki ukoukora kamoamoara mairouia aomata, ke mai roumi, ke mairouia tabem'aang.

1.Betero 2:21

B'a kam weteaki nako iai: b'a E kamarakaki naba Kristo i bukimi, ao E katuka nakoimi te aro ae kam na kakairi iai, b'a kam aonga n tou mwini m'anekana.

2.Betero 1:17

B'a E anganaki te karineaki ma te neboaki mairoun te Atua are te Tama, ngke e roko te b'ana nakoina mairoun te Mimitong are Moan te Tamaroa, are kaangai, “Natiu ae tangiraki Teuaei, ae I kakatonga i rouna!”