Ioane 5:18 - Te B'aib'ara

¹⁸ Ana taeka Iesu aikai, e a kakorakora riki kani kamateana irouia I-Iutaia: b'a E aki ti urua tuan te Taabati, ma E atonga te Atua b'a Tamana, ao n te aro aei E a karaoia iai b'a ti te bo Ngaia ma te Atua.

Ioane 5:18 ပူးပေါင်းရင်းမြစ်များ

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Mataio 12:5

Ao kam tuai naba ni wareki taekan aroia ibonga n te Tua, b'a n te Taabati ao ibonga, i nanon te um'antabu, a urua tuan te Taabati, ao a aki bure iai?

Ioane 1:19

Ao aikai ana taeka Ioane nakoia ibonga ma taian Rewi ake a kanakoaki nakoina irouia I-Iutaia mai Ierutarem, b'a a na titirakinna ni kaangai, “Antai ngkoe?”

Ioane 10:30

Ti temanna Ngai ma te Tama.”

Ioane 10:33

A kaeka ao a kaangai, “Tiaki i bukin te m'akuri ae e raoiroi ae ti na karebanaiko iai, ma i bukin am taetae ni bakanatua; ao i bukina naba b'a bon te aomata Ngkoe, ao Ko kan riki n Atua.”

Ioane 14:23

E kaekaa Iesu ao E taku, “Ngkana e tangirai te aomata, ao e na ongeaba nakon au taeka; e na tangiraki iroun Tamau, ao ti na nakoina ni maeka ma ngaia.

Ioane 14:9

E taku Iesu nakoina, “Ai maanraa Ngai ni mena i rarikimi, ao ko tuai man ataai, Biribo? Ane e a tia n norai, ao e a tia naba n nora Tamau; e aera ngkai ko kaangai, ‘Kaota Tamam nako ira’?

Ioane 19:7

A kaekaa I-Iutaia ao a taku, “Iai ara tua ae kaotaki iai b'a E riai kamateana, i bukina ngke E atongnga b'a Natin te Atua Ngaia.”

Ioane 5:15

E nako teuarei, ao e tuangiia I-Iutaia b'a ngaia Iesu are E kamaiua.

Ioane 5:16

Ma ngaia are, a b'ainikirina Iesu I-Iutaia i bukina ngke E karaoa te m'akuri ni kamaiu n te Taabati.

Ioane 5:17

E kaekaia Iesu ao E taku, “E m'am'akuri nako naba Tamau, ao Ngai I riai naba ni m'akuri.”

Ioane 5:23

b'a a aonga ni bane aomata nako ni karinea te Nati, n ai aroia ngkai a karinea te Tama. Ane aki karinea te Nati, ao e aki karinea naba te Tama are kanakomaia.”

Ioane 7:1

I mwin arei ao E m'am'ananga Iesu i aoni Kariraia; E aki kona ni m'am'ananga i aon Iutaia i bukina ngke a kani kamatea I-Iutaia.

Ioane 7:19

Tiaki e anganingkami te Tua Mote, ao akea temanna i buakomi ae toua mwina? Kam aera ngkai kam ukoukora kamateau?”

Ioane 8:54

E kaekaia Iesu ao E taku, “Ngkana I neboai, ao akea bonganan neboau. Ae neboai bon Tamau, are kam taku b'a Atuami.

Ioane 8:58

E taku Iesu nakoia, “Bon te koaua ni koaua ae I a tuangngkami, b'a bon iai Ngai ma ngkoa i m'ain Aberaam.”

I-Biribi 2:6

B'a arona aron te Atua, Ma akea i nanona te kan riki ni boraoi ma te Atua.

Te Kaotioti 22:1

Ao te anera arei e kaota nako iu karaangan te ran ni maiu, ae te ran ae raneanea n ai aron te kurititaro; ao e raanga nako te ran arei man ana kaintokanuea te Atua ma te Tiibuteteei,

Te Kaotioti 22:3

Ao akea ae reke kaina ae na manga noraki n te kaawa arei; ao e na mena iai ana kaintokanuea te Atua ma te Tiibuteteei, ao ana toro te Atua a na taromauria.