Ioane 4:10 - Te B'aib'ara

¹⁰ E kaeka Iesu ao E taku nakoina, “Ngke tao ko ata ana b'ai n tangira te Atua, ao Teuae kaangai ngkai nako im, Kaamai b'a N na moi, ao ko na kamani butiia, ao Ngaia E a anganiko naba iai te ran ni kamaiu.”

Ioane 4:10 ပူးပေါင်းရင်းမြစ်များ

Taian Areru 10:17

Te UEA, Ko na ongo aia buubuti akana mangori; ao Ko na kakorakorai nanoia.

Taian Areru 46:4

Iai te karaanga ae uota te kim'areirei nakon te kaawa are ana tabo ni maeka ae tabu te Atua are Moan te M'aaka.

Te Otinako 17:6

N na tei i m'aaim i aon te b'a are n te Maunga are Tinai. Ko na orea te b'a, ao ane na tiinako te ran man te b'a i bukin nimaia aomata.” Ao e karaoa arei Moote i mataia aia taani kairiri Iteraera.

Ana Anene Toromon 4:15

Bon te koburake n ran ngkoe i nanon te nnenaroka, te koburake n ran ae e buubura ae e itiaki, ao te raanga n ran ae e kamarurung man Maungan Reb'anon.

Itaia 12:3

E na reke iroumi te ran ma te kukurei ae moan te bati mani m'aneaban te tokanikai.

Itaia 35:6

Ane a na eweewerake aika a m'auku kaanga taian ria; neewe aika a bae a na manga takaarua. Ane a na manga raanga raan ri nanon te rereua.

Itaia 42:6

I rineiko b'a ko na uota te eti, ao I mena ikai i rarikim. I rineiko ao I kanakoko b'a ko na uota te oota ao au berita i bukin te kaantaninga nakoia botannaomata ni kabane.

Itaia 43:20

A bane maan aika a aki manana ni karineai, ao ni karokoa naba taian tiakaore ao taian aure. I katauraoa te ran n taian rereua taian karaanga n ran n aaba aika a m'autakataka i bukiia au aomata aika a rineaki.

Itaia 44:3

N na kakab'aia te aba ae e m'autakataka ni kanakoa taiani karaanga n ran, N na kakab'aia ami kariki n anganiia Tamneiu

Itaia 49:10

A na bon aki konaa ni baki ke n taka; a na aki namakina kabuebuen taai ke angin te rereua aika a kabuebue N na bon aki nanoanga ngkana I kairiia i nanon karaangan raan.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Ieremia 2:13

Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Etekiera 16:35

Ao ngkai, Ierutarem, ainen mataawa! Ongora te b'ai ae e taekinna te UEA.

Tekaria 13:1

E na reke te koburake n ran, ike a na teboki iai aia bure ma aia kaairua ana kariki Tawita ao kaain Ierutarem.

Tekaria 14:8

I nanon bongin te aumaiaki ma te aumeaang, e na raanga te ran are e anga te maiu mai Ierutarem, ao iterana mairouia a na raanga nakon Taari are Mate i maiaki ao iterana e na raanga nakon Taari are te Mereterenian i maeao.

Ruka 11:13

Ngkai kam ata te angania natimi, ngkami aika kam buakaka, baika raraoi, ao tiaki e m'aiti riki iroun Tamami are i karawa te kan anga te Tamnei are Raoiroi nakoia akana butiia!

Ioane 16:3

A na karaoi baikai nakoimi aomata i bukina b'a a aki ata Tamau, ao a aki ataai naba.

Ioane 17:3

Ao aio aron reken te maiu are aki toki: bon te ataiko b'a ti Ngkoe ae te Atua ni koaua, ao te ata Iesu Kristo, ae Ko kanakomaia.

Ioane 3:16

B'a E tangira aonnaba te Atua n te aro are E anga natina ae te rikitemanna iai, b'a e aonga n aki mate ane onimakinna, ma e na reke i rouna te maiu are aki toki.

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

Ioane 6:35

E taku Iesu nakoia, “Boni Ngai te am'arake ni kamaiu; ane nako iu ao e na bon aki manga kona ni baki, ao ane onimakinai ao e na bon aki taka.

Ioane 6:51

Ngai te am'arake ae reke te maiu mai iai are ruo mai karawa. Ane kana te am'arake aei, ao e na maiu n aki totoki; ao te am'arake ae N na anga i bukini maiun te aonnaba bon irikou.”

M'akuri 9:11

Ao E taku te UEA nakoina, “Tei rake, ao naako n te kawai are aranaki b'a Eti, ao ukoukora iai te aomata ae arana Tauro ae te I-Tareto, n ana auti Iuta: b'a noria, e tataro,

I-Rom 8:32

Teuare aki taua ae bon Natina, ma E anga i bukira ni kabaneira, ao E na iranna n aki anganira b'aai n akoi ni kabane ma Ngaia?

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

1.I-Korinto 10:4

ao a bane naba n nima te moi n Tamnei ae ti te arona, are E anganiia te Atua ni m'aakana. B'a a moi man te b'a are e iririia, are te b'aa are mairoun te Atua; ao te b'aa arei boni Kristo.

2.I-Korinto 9:15

E na katituaraoaki te Atua i bukin ana b'ai n tituaraoi are aki konaki ni kab'arab'araaki arona.

I-Ebeto 2:8

B'a kam kamaiuaki n te akoi i bukin te onimaki; ao tiaki mai roumi ae reke iai aei, ma bon ana b'ai n tituaraoi te Atua;

Ebera 6:4

B'a aomata aika tia n reke i rouia te oota, aika a tia ni katoonga te b'ai n tituaraoi mai karawa, aika a tia n anganaki naba te Tamnei are Raoiroi,

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.

Te Kaotioti 21:6

Ao E taku nako iu, “A bane n tia. Boni Ngai te Moa ao te Toki; boni moani b'aai Ngai ao tokiia naba Ngai. N na angan ane kani moi nimana mani koburaken te ran, are te ran ni maiu, ae akea boona.

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.

Te Kaotioti 7:17

ao te Tiibuteteei are i nanoaan te kaintokanuea, E na kawakinia n ai aron te tia kawakin-tiibu, ao E na kairiia nakoni koburaken raan aika kamaiu; ao te Atua E na kaoi rannimataia ni kabane mai mataia.”