Ioane 3:30 - Te B'aib'ara

³⁰ E riai n rikirake kakannatona, ao kakannatou e na kerikaki.”

Ioane 3:30 ပူးပေါင်းရင်းမြစ်များ

Itaia 53:12

E na anganna te UEA kaniwangana te karineaki ao te m'aaka ngkai e kareana maiuna. A taku tabem'aang b'a te tia bure ngaia, ma e karawaawataaki i bukin ara bure nako ao e buubutia te Atua kab'araan ara bure.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Ioane 3:29

Teuare e mena i rouna te aine ae a tib'a iein, ao bon te tia iein; ao raoraon te tia iein are te mm'aane, e teitei ao e rangi ni kim'areirei ngke e ongo b'anaan te tia iein. Ao aei bukin ae I rangi ni kim'areirei iai.

Ioane 3:31

Teuare nako mai karawa E kakannato riki nakoia aomata ni kabaneia. Ane nako mai aon te aba, ao boni kaain aon te aba, ao e taekini b'ain aon te aba; ma Teuare nako mai karawa e kakannato riki nakoia aomata ni kabaneia.

1.I-Korinto 3:5

B'a tera aron Aboro? Ao tera aroni B'auro? Bon taan i buobuoki ngaira, aika kam riki n onimaki i roura; ao ti karaoa ara m'akuri ni kaeti ma tib'angara are E anganira te UEA.

I-Korote 1:18

Ao Ngaia bon atun te rab'ata, ae te ekaretia; Ngaia ae reke mai Rouna maiun te ekaretia, ao te moa n Nati ni kamaiuaki man te mate, b'a e aonga ni moanibaan te kakannato i aoni b'aai ni kabane.

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”