Ioane 21:7 - Te B'aib'ara

⁷ Ao te reirei are E tangiria Iesu e taku ngkanne nakoni Betero, “Bon te Uea!” Ma ngaia are, ngke e ongo Timon Betero b'a te Uea, ao e kabaea i aona ana kabaraaki, b'a e a tia ni buuti kunnikaina, ao e ewe nako n te nama.

Ioane 21:7 ပူးပေါင်းရင်းမြစ်များ

Taian Areru 118:23

Boni mairoun te UEA te baei; ai kamimiira taraana!

Ana Anene Toromon 8:7

E aki konaa ni b'ab'a te tangira n taiani marawa ke taiani ieka; e aki konaa ni kabooaki, e aoria ngkana tera ae e b'aintangiraaki.

Mareko 11:3

Ngkana e kangai temanna nako imi, E aera ngkai kam karaoa anne, ao kam na kangai, ‘E tangiria te Uea, ao E na manga kaokia n te tai ae waekoa.’ ”

Ruka 12:35

Kam na b'aina te tauraoi, ao a na ura ami taura,

Ruka 2:11

b'a e a bungiaki nako imi n te bong aei n ana kawa Tawita, te tia Kamaiu are te Kristo are te Uea.

Ruka 7:47

Ma ngaia ae I tuangko b'a e bati ana tangira i bukina ngkai a kab'araki ana bure aika bati; ma ane aki bati ana bure ni kab'araki, ao e aki bati ana tangira.”

Ioane 13:23

Ao temanna i buakoia ana reirei Iesu, are te reirei are E tangiria Iesu, e rarikiriki ni kaan ma b'anib'anin Iesu.

Ioane 19:26

Ma ngaia are, ngke E nora tinana Iesu, ao E nora naba te reirei are E tangiria b'a e tei i rarikina, ao E taku nakon tinana, “Neiko, noria, ao anne natim.”

Ioane 20:2

Ma ngaia are, e biri nako nakon Timon Betero ma te reirei are temanna, are E tangiria Iesu, ao e taku nakoia, “A uota nako te Uea man te ne ni mate, ao ti aki ata te tabo are a kaaki iai.”

Ioane 20:20

Ngke E a tia n atonga aei, ao E kaoti baina ma rarikina nakoia. Ma ngaia are, a kukurei ana reirei ngke a nora te Uea.

Ioane 20:28

E kaeka Toma ao e taku nakoina, “Au Uea ao Atuau!”

Ioane 21:20

E rairaki Betero, ao e nora te reirei are E tangiria Iesu b'a e iri; ngaia ngkoa are raraa b'anib'anin Iesu ngke a am'arake n tain te Toa are te Riao, ao ngaia naba are kaangai, “Te Uea, antai ae na kam'aneko?”

Ioane 21:24

Te reirei arei boni ngaia te tia kakoaua i bukini baikai, ao boni ngaia naba ae koroi taekaia; ao ti ataia b'a a koaua ana taeka.

Ioane 21:8

Ao a roko reirei ake raoia n te boti are uarereke, ni katika te karaun are on n te ika, b'a a aki rangi n raroa ma te aba b'a tao tebubua te miita raroaia.

M'akuri 10:36

Kam ata te taeka are E kanakoa te Atua nakoia te botannaomata ae Iteraera, are taekan euangkerion te raoi i nanon Iesu Kristo, are aia UEA aomata ni kabaneia.

M'akuri 2:36

Ma ngaia ae kam na ataia ni koaua ngkami aika Iteraera ni kabaneingkami b'a E a tia te Atua ni karika Iesu b'a te UEA ao te Kristo.

1.I-Korinto 15:47

E riki te moa n aomata mai aon te aba, ao e karikaki man te tano; te Aomata are te kauoman boni mai karawa.

2.I-Korinto 5:14

B'a e tautaekaniira ana tangira Kristo; ao ngkai ti kakoaua b'a E mate i bukiia aomata ni kabaneia, ao nanona b'a a bane aomata ni buokanib'ai ni matena;

Iakobo 2:1

Tariu, kam na tai b'aina te nanonano nakoia aomata ngkai taan onimakina te Uea are Iesu Kristo ngkami, are te Uea are ana b'ai te neboaki.