Ioane 20:29 - Te B'aib'ara

²⁹ E taku Iesu nakoina, “Ko onimaki i bukina ngkai ko norai? A a kab'aia akana onimaki ngkana a tuai n norai.”

Ioane 20:29 ပူးပေါင်းရင်းမြစ်များ

Mataio 13:16

Ma a kab'aia matami b'a a noraba; ao taningami b'a a ongo!

Ruka 1:45

Ao e a kab'aia neie onimaki b'a e na kakoroaki bukin te baere taekinaki nako ina mairoun te Uea!”

Ioane 20:28

E kaeka Toma ao e taku nakoina, “Au Uea ao Atuau!”

Ioane 20:8

E rin naba ngkanne te reirei are temanna, are moa n roko n te ne ni mate, ao e noria, ao e kakoauaa.

Ioane 4:48

E taku Iesu nakoina, “Ngkana kam aki noori kanikina ma m'akuri aika kamimii, ao kam rawa n onimaki.”

2.I-Korinto 5:7

B'a ti nakonako n te onimaki, ma tiaki n ane noraki.

Ebera 11:1

Te onimaki bon te aki nanokokoraki ni baika kaantaningaki, ae kakoauani baika aki noraki.

Ebera 11:27

I bukin ana onimaki Moote, ao e kitana Aikubita n aki maka unin te uea. E kanene n arona aei b'a kanga ai aron ae e nora te Atua ae aki nonoraki.

Ebera 11:39

Ao aomata aikai, aika E kukurei te Atua i rouia i bukin aia onimaki, a bane n aki karekea te baere atongaki n te taeka n akoi,

1.Betero 1:8

are kam tuai n noria, ma kam tangiria naba; are kam aki noria ngkai, ma kam onimakinna naba, ao kam kim'areirei n te kim'areirei ae rangi ni bati ae aki konaaki ni kab'araki arona n taian taeka;