Ioane 19:38 - Te B'aib'ara

³⁸ I mwini baikai, ao e butia Birato Ioteb'a are te I-Arimataia b'a e na uota nako rab'atan Iesu; ana reirei Iesu ngaia, ma e karabaa b'a e makuia I-Iutaia. E kariaia ana bubuti Birato, ma ngaia are e nako n anaa rab'atan Iesu ao e uotia nako.

Ioane 19:38 ပူးပေါင်းရင်းမြစ်များ

Taeka n Rabakau 29:25

Ko na tai b'aka nako nanon te b'ai ni kam'ane i bukin kibiubium onimakina te UEA, ao ko na maiu.

Ioane 12:42

Ma e ngae n anne ao a bon onimakinna naba taan tautaeka aika bati; ma a aki kani kaotia, i bukina b'a a makuia B'aritaio, b'a a kaawa n tukaki mani m'aneabaia I-Iutaia:

Ioane 7:13

Ma akea ae kanenea b'anaana n taekinna irouia aomata, b'a a makuia I-Iutaia.

Ioane 9:22

A atonga aei ana karo b'a a makuia I-Iutaia, i bukin are a tia ni kabo nanoia n taku b'a te aomata ane atonga Iesu b'a te Kristo, ao a na tukiia b'a e na aki manga roko ni m'aneabaia I-Iutaia.

M'akuri 13:29

Ao ngke a tia ni kakoroi mwin taeka ni kabane ake a koreaki b'a taekana, ao a karuoa rab'atana man te kaibangaki, ao a kawenea n te ne ni mate.

I-Biribi 1:14

Ao e riki kabaeakiu b'a kakorakoraan aia kaantaninga m'aitiia taari n aroia n reitaki ma te UEA, ao a rikirake n rangi n ninikoria n taekina ana taeka te Atua.