Ioane 19:35 - Te B'aib'ara

³⁵ Teuare noria boni ngaia ae taekinna, ao a koaua ana taeka, ao e ataia b'a e taekina te koaua, b'a kam aonga naba n onimaki.

Ioane 19:35 ပူးပေါင်းရင်းမြစ်များ

Ioane 11:15

ma I kukurei i bukimi ngke I aki mena ikekei, b'a kam aonga n onimakinai.”

Ioane 11:42

Ao I ataia b'a Ko ongongo irou n taai nako: ma I atonga aei i bukiia aomata aika teitei ikai, b'a a aonga ni kakoaua b'a Ngkoe ae Ko kanakomaiai.”

Ioane 14:29

Ao ngkai, I a tia n tuangngkami te baerei i m'ain rikina; b'a ngkana e riki, ao kam na kakoauaa.

Ioane 15:27

Ao ngkami naba taani kakoaua, b'a kam a tia ni memena irou mai moana.

Ioane 19:26

Ma ngaia are, ngke E nora tinana Iesu, ao E nora naba te reirei are E tangiria b'a e tei i rarikina, ao E taku nakon tinana, “Neiko, noria, ao anne natim.”

Ioane 20:31

ma a koreaki aikai b'a kam aonga ni kakoaua b'a Iesu bon te Kristo, are Natin te Atua; ao ngkai kam onimakinna, ao e na reke iroumi te maiu n arana.

Ioane 21:24

Te reirei arei boni ngaia te tia kakoaua i bukini baikai, ao boni ngaia naba ae koroi taekaia; ao ti ataia b'a a koaua ana taeka.

M'akuri 10:39

Ao bon taani kakoaua ngaira nakoni b'aai ni kabane ake E karaoi i abaia I-Iutaia, ao i Ierutarem. Ao a tiringnga ngke a tauria n te kaibangaki.

I-Rom 15:4

B'a b'aai ni kabane ake a koreaki ngkoa a koreaki i bukin reireiara, b'a e aonga n reke iroura te kaantaninga n taekan te taotaonaki n nano ma te kaunga nano n te B'aib'ara.

1.Betero 5:1

Ma ngaia ae I kani kaungaia unimm'aane akana mena i buakomi, ngai ae bon te unimm'aane naba, ao te tia nora Kristo n arona ni maraki, ao te tia buokanib'ai n te neboaki are nang kaotaki:

1.Ioane 5:13

I koroi baikai nako imi, b'a kam aonga n ataia b'a bon iai i roumi te maiu are aki toki, ngkami akana kam onimakina aran Natin te Atua.

3.Ioane 1:12

E tataekinaki ni kamoamoaki Temeterio irouia aomata ni kabaneia, ao ni maiuna ni b'ab'aina te koaua; ao e tataekinaki naba ni kamoamoaki iroura; ao ko ata ara kaotioti b'a e boni koaua.