Ioane 19:31 - Te B'aib'ara

³¹ Bon te bongi ni katauraoi te bong arei, ma ngaia are a butiia Birato ibonga ake mataniwi b'a a na oteaki waeia uake a tauraki n te kaibangaki, ao a na karuoaki rab'ataia b'a a na aki tiku n tine n te kaibangaki ni karokoa bongin te Taabati, b'a te bong ae kakannato te Taabati arei.

Ioane 19:31 ပူးပေါင်းရင်းမြစ်များ

Te Otinako 12:16

N te moani bong ao n te kaitiua ni bong kam na bootaki n taromauri. Bon akea te m'akuri ae na karaoaki i nanon boong akanne, ma kam riai ni katauraoa te am'arake.

Taeka n Rabakau 12:10

A akoi aomata aika a raoiroi nakoia aia man, ma e iowawa te aomata ae e buakaka.

Mika 3:3

Kam kaniia au aomata, kam kanakoi kuniia, kam otoi riia ao kam korokoroia nako nanon te b'aata kaanga taian iriko maiu.

Mataio 27:62

N te bong are i mwina, are bongin te Taabati, ao a botaki ma Birato ibonga ake mataniwi ma B'aritaio,

Mareko 15:42

Ngke e a kani bong, ngke ai tain te katauraoi are te bongina i m'ain te Taabati,

Ioane 19:1

Ma ngaia are, e tua ngkanne Birato b'a e na tauaki Iesu ni kataereaki.

Ioane 19:14

Te bong arei bon te bongi ni katauraoi i m'ain te Toa are te Riao; tao e a tawanou. Ao e taku Birato nakoia I-Iutaia, “Noria, ao aio ami Uea!”

Ioane 19:42

Ma ngaia are, a kawenea iai rab'atan Iesu i bukina ngke bongin te katauraoi irouia I-Iutaia te bong arei, ao i bukina naba b'a e kaan te ne ni mate arei.

Iotua 8:29

E kabaea roroan uean Ai n te aroka tekaina, ao e katikua ikekei ni karokoa e bong. Ngke e a bung taai ao e a tuatua b'a e na anaaki rab'atana, ni karenakoaki i mataroan te kaawa are Ai. Ao a tauna rab'atan n taian atiibu aika korakora, are e bon tiku naba ikanne ni karokoa boong aikai.