Ioane 18:33 - Te B'aib'ara

³³ E a manga rin ngkanne Birato n te Beretoriam, ao e wetea Iesu, ao e taku nakoina, “Aia Uea I-Iutaia Ngkoe?”

Ioane 18:33 ပူးပေါင်းရင်းမြစ်များ

Ieremia 23:5

N te bong teuana N na rinea te uea ae e raoiroi man ana utu Tawita, te uea ae e na wanawana ao e na tautaeka ma te eti.

Teb'ania 3:15

E a tia ni katoka oream te UEA; E a tia ni kanakoia am kairiribai. E a mena i buakomi te UEA ae aia uea Iteraera. Bon akea te b'ai ae ti na riai ni maaku iai.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Mataio 27:11

E tei Iesu i matan te tia tau-taeka; ao e titirakina Iesu, ni kangai, “Aia Uea I-Iutaia Ngkoe?” E taku Iesu, “Ngaia ane ko taku!”

Mataio 27:27

Ao E kairaki Iesu irouia ana tautia mataniwin te tautaeka nako nanon te Beritoriam, ao a baneakinna tautia ake a mena ikekei.

Mareko 15:2

Ao e titirakinna Birato ni kangai, “Aia King I-Iutaia Ngkoe?” Ao E kaeka Iesu ni kangai, “Ngaia ane ko taku.”

Ruka 23:2

Ao a bukinna ni kangai, “E reke i roura Teuaei ngke E tabe n anaa nanon ara botannaomata aei ni kab'aoua, ao E tukiira b'a ti na aki kab'akai ara taekiti nakoni Kaitara, ao E taku b'a Ngaia bon te Kristo ae te uea.”

Ioane 1:49

E taku Natanaera, “Te Tia Reirei, bon Natin te Atua Ngkoe; aia Uea Iteraera Ngkoe!”

Ioane 12:13

A anai baanikaai aika aroni baan te ni, ao a nako ni butim'aia, ao a takarua ni kaangai, “E na neboaki te Atua! E na kakab'aiaki Teuae nakomai n aran te Atua. E na kakab'aiaki aia Uea Iteraera!”

Ioane 12:15

“Tai maku, ngkami kaain Ierutarem; noria, E a roko ami Uea, ae toka i aon te bun n aati.”

Ioane 18:34

E kaeka Iesu ao E taku, “Bon am taeka taeka akanne, ke taekau mairouia aomata ae a tuangko?”

Ioane 18:37

E taku ngkanne Birato nakoina, “Bon te uea Ngkoe ngkanne?” E kaeka Iesu ao E taku, “Ko taku b'a te uea Ngai I bungiaki i bukin ae ti te kaotiota te koaua, ao aei naba bukin ae I roko iai i aon te aba. Ane b'ab'aina te koaua, ao e ongo b'anaau.”

Ioane 18:38

E taku Birato nakoina, “Ao tera te koaua?” Ngke e tia n atonga aei Birato, ao e a manga oti nako nakoia I-Iutaia, ao e taku nakoia, “Akea ana bure ae I kunea.

Ioane 19:12

Ngke e ongo aei Birato, ao e ukoukora te anga are e na kainaomata iai Iesu. Ma a takarua nakoina aomata, ao a kaangai, “Ngkana ko kainaomata Iesu, ao tiaki raoni ngkoe uean te tautaeka n Rom. Ane taku b'a te uea ngaia ao bon te tia eekaanako uean te tautaeka n Rom.”

Ioane 19:3

ao a nako ina ao a kaangai “E na maiu n aki toki aia Uea I-Iutaia!” Ao a oreia

Ioane 19:4

Ao e a manga oti nako Birato, ao e taku nakoia aomata, “Noria, N na kaotinakoa Iesu nakoimi, ao kam na ataia iai b'a akea ana bure ae I kunea.”

Ioane 19:9

E a manga oki n rin i nanon te Beretoriam, ao e titirakina Iesu ni kaangai, “Maia Ngkoe?” Ma E aki kaeka Iesu.

1.Timoteo 6:13

I tuangko i matan te Atua, ae anga te maiu nakoni b'aai ni kabane, ao i matani Kristo Iesu, are kaota tauani bukin te koaua are raoiroi i matani Bontio Birato,