Ioane 18:28 - Te B'aib'ara

²⁸ Ngke e a tib'a ingabong, ao a kaira Iesu man ana auti Kaiaba nakon te Beretoriam. A aki rin aia mataniwi I-Iutaia b'a a rawa n aki itiaki n aron katein te Aro n I-Iutaia, ao n aki kariaiakaki n am'arake n am'araken te Riao.

Ioane 18:28 ပူးပေါင်းရင်းမြစ်များ

Taian Areru 35:16

Ai aroia aomata ake a b'ainingarea ae m'auku, ngke a kangengei wiia nako iu.

Taeka n Rabakau 1:16

A rangi ni waekoakoa nakon karaoan te bure, ni karokoa naba bon te tiritiri.

Taeka n Rabakau 4:16

A bon aki mamatu ke ni motirawa ni karokoa a tia ni karaoa te kaairua ke ni kamarakiia tabeman aika akea aia bure.

Etekiera 45:21

E na moanaki mani kaabongin te moan nam'akaina, ao e na reiti nako i nanon itiua te bong, ao a na bane aomata ni bukamarua te Riao ma ni kana te kariki are e aki karikaki.

Mika 2:1

Ai rekera kaiia aomata ake a aki matuuakin aia iango aika a buakaka, ma ni iangoi waekoan koron bukiia nakon te ingabong. Ni bon te tai are e reke iai aia tai, ao a karaoa naba te buakaka are e a iangoia.

Mataio 27:27

Ao E kairaki Iesu irouia ana tautia mataniwin te tautaeka nako nanon te Beritoriam, ao a baneakinna tautia ake a mena ikekei.

Mareko 15:16

Ao E kairaki Iesu irouia tautia nako nanon te tabo ae te Beritoriam, ao a weteia tautia ake raoia ni kabaneia.

Ruka 22:66

Ngke e a ngaina, ao a botaki aia unimm'aane aomata ma aia mataniwi ibonga ao taani koroboki; ao a kaira Iesu nakon aia kabowi, ao a kangai,

Ioane 11:55

E a kaan tain aia botaki I-Iutaia are te Toa are te Riao; ao a m'ananga aomata aika bati mai abaia, nako Ierutarem, i m'ain te Toa are te Riao, b'a a na kaitiakiia.

Ioane 18:13

A kairia moa nakon Annati; ngkai ngaia tamani buni Kaiaba, are aia mataniwi ibonga n te ririki arei.

Ioane 18:15

Ao e ri mwin Iesu Timon Betero ma te reirei temanna. E kinaaki te reirei arei iroun aia mataniwi ibonga, ma ngaia are e rin n ri mwin Iesu n ana auti aia mataniwi ibonga, ao e nako ni mena n te tabo are e aki bono aona;

Ioane 18:33

E a manga rin ngkanne Birato n te Beretoriam, ao e wetea Iesu, ao e taku nakoina, “Aia Uea I-Iutaia Ngkoe?”

Ioane 18:39

Ma n aron te katei ae kam a tataneiai iai, ao I aki toki ni kainaomata i bukimi te bure temanna ni katoa tain te Toa are te Riao. Kam tangirai b'a N na kainaomata i bukimi aia Uea I-Iutaia?”

Ioane 19:11

E kaeka Iesu ao E taku, “Bon akea te b'ai ae ko kona ni karaoia nako iu, ngke arona b'a ko aki anganaki te kona ni karaoia mai karawa; ma ngaia are e a rawawata riki ana bure te aomata are anga Ngai nako im nakon am bure.”

Ioane 19:14

Te bong arei bon te bongi ni katauraoi i m'ain te Toa are te Riao; tao e a tawanou. Ao e taku Birato nakoia I-Iutaia, “Noria, ao aio ami Uea!”

Ioane 19:9

E a manga oki n rin i nanon te Beretoriam, ao e titirakina Iesu ni kaangai, “Maia Ngkoe?” Ma E aki kaeka Iesu.

M'akuri 10:28

E taku nakoia, “E ataaki iroumi b'a e aki riai n taekan te tua, b'a te aomata ae te I-Iutaia e na i raorao ma kaain te aba teuana, ke e na kawaria; ma E a tia te Atua ni kaotia nako iu b'a akea te aomata temanna ae N na atongnga b'a e aki itiaki ke e kam'ara.

M'akuri 10:32

Ma ngaia ae ko na kanakoia aomata nako Iobe ni kaoa Timon, are arana teuana Betero; e maeka n ana auti Timon, ae te tia karaoi b'aai mani kunin te man, ae e tei ana auti i rarikin taari.’

M'akuri 11:3

A kaangai, “Ko kawariia aomata ake a aki korotabonim'aneaki, ao ko am'arake ma ngaiia!”

M'akuri 3:13

Atuan Aberaam, ma Itaaka, ma Iakob'a, are Atuaia ara bakatibu, E neboa Natina are Iesu, are kam anga ao kam kakeaa i matani Birato, ngke e a tia n reke ana baire b'a e na kainaomata.

M'akuri 4:27

B'a e boni koaua b'a a botaki n te kaawa aei, Erote ma Bontio Birato, ma aomata aika tiaki I-Iutaia, ma aomata aika Iteraera n te kaawa aei, n eekaanako Natim are Raoiroi, are Iesu, are Ko a tia ni kabiria.

Te Tua-Kaua 16:2

Taiani karea i bukin te Riao bon te kao, te tiibu, ao te kooti, ma kam na anga n taabo ake E a tia n rinei te UEA b'a taabo n taromauri.