Ioane 17:12 - Te B'aib'ara

¹² Ngke I mena i rarikiia, ao I kawakinia ni m'aakan aram, ae te ara are Ko anganai. I tantani i rarikiia, ao akea temanna i buakoia ae bua, ma ti natin te mate, b'a e na kakoauaki taekan te B'aib'ara.

Ioane 17:12 ပူးပေါင်းရင်းမြစ်များ

Taian Areru 41:9

Ao e eekainako naba te aomata ae bon raou ni koaua ae I onimakinna, ae raoraou n am'am'arake.

Ioane 13:18

I aki taekiningkami ni kabaneingkami, I ataiia aika I a tia n rineia; ma e na kakoroaki nanon are taekinaki n te B'aib'ara ni kaangai: “Te aomata ae I am'arake ma ngaia, e riki b'a te tia kam'aruaai.”

Ioane 17:6

“I a tia ni kaota aram nakoia aomata aika Ko anganai mai buakon te aba; bon am b'ai ngaiia, ao Ko anganai, ao a ongeaba nakon am taeka.

Ioane 18:9

E atonga aei b'a e aonga ni kakoroaki bukin are E a kaman atongnga ngke E kaangai, “Tamau, Akea temanna ae I kabua mai buakoia ake Ko anganai.”

Ioane 6:37

Aomata nako akana E anganai te Tama ao a na bane nako iu. N na bon aki kona n tannako mairoun ane nako iu.

M'akuri 1:25

b'a e na bonota mwin Iuta n te m'akuri aei ao n nakoan te tia tuatua, are e kitanna, n nako n are boni nena.”

I-Biribi 2:9

Ma ngaia are, E karaoia te Atua b'a E na rangi ni karineaki, ao E anganna te ara ae kakannato riki nakon aara ni kabane;

2.I-Tetaronike 2:3

E na tai burebureingkami temanna n te aro teuana: b'a e bon aki kona n roko te bong arei ngkana e tuai n roko moa te tai are a na ekaanako iai te Atua aomata aika bati, ao ngkana e tuai ni kaoti teuare buakaka, are kanan te mate.

Ebera 2:13

Ao E kangai naba: “N na onimakinna.” Ao E a manga kangai naba, “Noria, Ngai ma ataei aika E anganai te Atua.”

1.Ioane 2:19

Kairiribai aikai a nako mai buakora, ma bon tiaki raora; b'a ngke arona b'a raora, ao a na bon tiku i roura. Ma a nako mai buakora, b'a a na kaotaki b'a tiaki raora ngaiia ni kabaneia.

Te Kaotioti 19:12

Ai aron uran te ai matana, ao a bati baunuea i aon atuna; ao iai te ara ae koreaki i aon rab'atana, ae akea temanna ae ataia b'a ti Ngaia.