Ioane 16:33 - Te B'aib'ara

³³ I atongi baikai nakoimi b'a e aonga n reke iroumi te rau ngkana kam reitaki ma Ngai. Ami b'ai i aon te aba te rawawata; ma kam na ninikoria, b'a I a tia ni kataea ana kai te aba.”

Ioane 16:33 ပူးပေါင်းရင်းမြစ်များ

Taian Areru 68:18

E rierake nakon te tabo ae rietaata, ao E kairiia aomata aika bati ake a taenikai i rouna; E kareke angab'ai mairouia, ao mairouia naba ake a rarawa ni kan aantaeka. E na maeka n te tabo arei te UEA ae te Atua.

Mika 5:5

ao e na karekea te rau. Ngkana a na roko I-Aturia ni buakana ara kaawa ma n ninii nako ara nono, ao ti na kanakoia ana taani kairiiri aika a korakora b'a a na totokoia.

Mataio 9:2

Ao noria, iai aomata tabem'aang ake a uota nako Ina te aomata ae nakibaina, ae wene i aon te nne ni wene. Ngke E nori aia onimaki Iesu, ao E taku nakon te nakibaina, “Natiu, tai raraoma! A kab'araki am bure.”

Ruka 19:38

Ao a kangai, “E a kab'aia te King ae roko n aran te Uea! Te raoi i karawa ao te neboaki ike moan te rietaata.”

Ruka 2:14

“E na neboaki te Atua ike moan te rietaata! Ao e na mena te rau i aon te aba irouia aomata ake E kukurei i rouia te Atua.”

Ioane 12:31

Ana tai ngkai te aonnaba aei ni motikaki taekana; te tai naba aei are e na b'aka man ueana iai te tia taua taekan te aonnaba aei;

Ioane 14:1

“A na tai rawawata nanomi; kam na onimakina te Atua, ao kam na onimakinai naba.

Ioane 14:27

“I katuka te rau iroumi; I anganingkami au rau: I aki anganingkami n ai aron te aba, ngkana e anga. A na tai rawawata nanomi, ao a na tai maku.

Ioane 16:11

ao e bure ootana n aron ana motiki-taeka te Atua i bukina ngkai e a kaman tia ni motikaki taekan te tia taua taekan te aonnaba aei.

M'akuri 14:22

ni kakorakorai nanoia taan onimaki, ao ni buokiia b'a a na botum'aka n onimaki, ao a kaangai, “Ti riai n ri nanon rawawata aika bati b'a ti aonga n rin n Uean te Atua.”

M'akuri 23:11

Ngke e a bong, ao E tei te UEA i rarikini B'auro ao E taku, “Ko na ninikoria! B'a ngkai ko a tia ni kaotioti i buku i Ierutarem, ao ko na manga karaoia naba i Rom.”

M'akuri 27:22

I tuangngkami ngkai b'a kam na kabebetei nanomi: b'a e na bon aki bua maiun temanna i buakomi, ma ti te kaibuke ae na bua.

M'akuri 27:25

Ma ngaia aei, mm'aane, kam na kabebetei nanomi: b'a I onimakina te Atua b'a e na boni koro bukin are e a tia n taekinaki nako iu.

M'akuri 9:31

E wene n rau ngkanne te ekaretia i aon Iutaia ni kabuta, ma Kariraia, ma Taamaria, ao e kateimatoaki; a kaotia ni maiuia kaaina b'a iai karinean te Atua i rouia, ao e rikirake m'aitini kaaina n ana buobuoki te Tamnei are Raoiroi.

2.I-Korinto 1:3

E na karaoiroaki te Atua, ae Taman ara UEA are Iesu Kristo, ao Taman te nanoanga ni kabane, ao Atuan aaro ni karaunano ni kabane,

2.I-Korinto 13:11

Te kabanea, taari, kam na kakatonga, kam na kanako raoi aromi, kam na karau nanomi, kam na b'aina te nano ae ti te arona, kam na raoi; ao E na mena i roumi te Atua are e reke mai Rouna te tangira ma te raoi.

2.I-Korinto 2:14

Ma e na katituaraoaki te Atua, are Ngaia ae aki toki ni kairira irouni Kristo n te m'aati n tokanikai; ao E kabonganaira ngaira aika taani kabuta ataakini Kristo nakon taabo nako b'a kanga ai aron te boi ae boiarara.

2.I-Korinto 4:7

Ma iai i roura ngaira aika ai aroia m'angko taano, te b'ai ae kakawaki aei, b'a e aonga n ataaki b'a te m'aka ae korakora boni m'aakan te Atua, ao tiaki m'akara.

2.I-Korinto 6:4

Ma ti kaotira b'a ana taani m'akuri ni koaua te Atua ngaira n aaro nako. N te nanom'aka ae bati, n taian rawawata, n taiani kainano, n taiani maraki, n taai aika kanganga.

2.I-Korinto 7:4

I rangi n onimakiningkami, ao I rangi ni kamoamoa i roumi; e rangi n rau nanou, ao moan te bati kakatongau i buakon rawawatara ni bane.

I-Karatia 1:4

are anga Ngaia i bukin ara bure, b'a E aonga ni kamaiura mai aon te aba ae buakaka aei, n ai aron nanon Atuara ae Tamara,

I-Karatia 6:14

Ma ngai, I bon aki kani kamoamoaai n te b'ai teuana, ma ti n ana kaibangaki ara UEA are Iesu Kristo; b'a n ana kaibangaki ao ai aron ae mate te aonnaba nako iu, ao ngai nakon te aonnaba.

I-Biribi 4:7

Ao te rau are mairoun te Atua, are te rau are aki konaaki n ataaki teutana, e na kawakin nanomi ma aia iango nanomi ngkai kam reitaki ma Kristo Iesu.

I-Korote 1:20

ao bon nanona naba b'a E na raoiakini b'aai ni kabane nako Ina i Rouna, aika i aon te aba ma ake i karawa; ao E karaoa aei ni maten Natina i aon te kaibangaki.

1.I-Tetaronike 3:4

B'a ngke ti mena i roumi, ao ti tuangngkami b'a ti na karawawataki. Ti taekina aei i m'ain rikina; ao n aron ae kam ataia, b'a e bon riki.

1.I-Tetaronike 3:7

Ma ngaia aei, taari, i buakoni kain nanora ma rawawatara ni bane ao a karauaki nanora i roumi n ami onimaki:

2.I-Tetaronike 3:16

E na anganingkami te raoi n aki toki n aaro nako te Uea are e reke te raoi mai Rouna. E na mena te Uea i roumi ni kabaneingkami.

2.Timoteo 3:12

Ao ane a na bane ni b'ainikirinaki naba akana kani kabane aia bong ni maiu n iraorao ma te Atua ngkai a reitaki ma Kristo Iesu;

Ebera 11:25

ma e tangira riki ae e na uaia ni b'ainikirinaki ma ana aomata te Atua nakon ae e kakukureia n te buakaka i nanon te tai ae aki maan.

Ebera 7:2

ao Aberaam e anganna kaka teuana te katebwina ni m'akoro mani m'aitin ana b'ai aika kakaokoro nako ake a reke i rouna. Moan nanon te ara ae Merekitereka bon “Uean te Raoiroi”; ao i bukina ngkai uean Tarem, ao iai naba nanona ae “Uean te Raoi”.

1.Betero 5:9

Kam na rarawa nakoina, ao kam na teimatoa n te onimaki, ngkai kam ataia b'a raomi n onimaki i aon aaba nako a taonaki naba ni maraki aika ti te bo aroia ma akana kam taonaki iai.

1.Ioane 2:13

Taama, I koroboki nako imi, ngkai kam ata Teuare bon iai ma ngke a tuai ni karikaki b'aai. Rorobuaka, I koroboki nako imi, ngkai kam a tia n tokanikai i aon teuare buakaka.

1.Ioane 4:4

Ataei aika uarereke, boni mairoun te Atua ngkami, ao kam a tia ni katae aia kai burabeti ni kewe: b'a E m'aaka riki Teuare mena i nanomi nakon teuare mena i nanoia kaain aon te aba.

1.Ioane 5:4

B'a ane bungiaki mairoun te Atua ao e kona ni kataea ana kai te aba: ara onimaki boni ngaia ae anganira te tokanikai i aona.

Te Kaotioti 12:11

Ao a kataea ana kai n raraan te Tiibuteteei ao n te koaua are a tataekinna; ao a kukurei n anga maiuia ma ni mate naba.

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.