Ioane 15:12 - Te B'aib'ara

¹² Aio au tua: kam na i tangitangiri, n ai arou ngkai I tangiringkami.

Ioane 15:12 ပူးပေါင်းရင်းမြစ်များ

Maraki 1:2

Iteraera, bon te UEA Ngai ae I kaman tangiriko. Ma ko titiraki b'a tera tangirakim irou. Ko na aki m'aninga ae bon tarin ami bakatibu are Iakob'a teuare Etau, ma I rinea Iakob'a

Ioane 13:34

I anganingkami te tua ae boou: kam na i tangitangiri; n ai arou ngke I tangiringkami, b'a kam aonga n i tangitangiri.

Ioane 15:17

I tuangngkami aei: kam na i tangitangiri.

I-Rom 12:10

Kam na i tangitangiri n ai aroia taari, ao tai tab'ara ni kaota aron te ikarinerine.

I-Ebeto 5:2

ao kam na b'aina te maiu n tangira, n ai aroni Kristo ngkae E tangirira naba, ao E anga Ngaia b'a E na mate i bukira b'a te karea nakon te Atua, ae te karea ae boiarara ae kamateaki.

1.I-Tetaronike 3:12

ao te Uea E na kabatia ni karakaa ami i-tangitangiri ma tangiraia aomata ni kabaneia i roumi, n ai aron arora nako imi;

1.I-Tetaronike 4:9

Akea kainanoan te koroboki nako imi i bukin aromi n tangiriia raomi ni Kristian: b'a kam a bon tia n reireiaki iroun te Atua b'a kam na i tangitangiri;

2.I-Tetaronike 1:3

Taari, ti bon riai ni katituaraoa te Atua n taai nako i bukimi, ngkae e riki rake ni matoatoa ami onimaki, ao e kabatiaki ami i-tangitangiri ni kabaneingkami.

1.Betero 1:22

Ngkai kam a tia ni kaitiaki maiumi n ami ongeaba nakon te koaua, ao kam a tia ni b'aina te tangira ni koaua i bukiia raomi ni Kristian, ao kam na kakorakoraingkami n i tangitangiri ma nanomi ni koaua.

1.Betero 3:8

Kabanean au taeka ngkanne: kam na bane ni b'aina te nano ae ti te arona, ma te namakin ae ti te arona; kam na tangiriia raomi ni Kristian, kam na nanoanga, ao kam na nanorinano.

1.Betero 4:8

Ma e a moamoa i aoni b'aai ni kabane b'a kam na kabatia te i-tangitangiri; b'a e rabuni buure aika rangi ni bati te tangira.

1.Ioane 3:23

Ao aio ana tua, b'a ti na onimakina aran Natina are Iesu Kristo, ao ti na i tangitangiri, n ai aron taekan te tua are E anganira te Atua.

1.Ioane 4:21

Ao aei te tua ae ti anganaki mai Rouna: b'a ane tangira te Atua, ao e na tangira naba tarina.

2.Ioane 1:5

Ao I butiko ngkai, ngkoe ae te aine ae ko karineaki, b'a ti na i tangitangiri: I aki koroia nako im b'a te tua ae boou, ma bon te tua are reke i roura ma ngke ti moa n riki b'a Kristian.