Ioane 14:31 - Te B'aib'ara

³¹ ma e na ataia te aonnaba b'a I tangira Tamau; ao anne bukina ae I karaoi iai b'aai ni kabane ake E tuangai. “Tei rake, ti na nako maikai.

Ioane 14:31 ပူးပေါင်းရင်းမြစ်များ

Taian Areru 40:8

Ai kukurei ra ngai ni karaoa ae Ko tangiria, Atuau! I kawakina am Tua i nanou.

Itaia 50:5

E karaoai b'a N na kakauongo ma n aki mangao ke ni biri nako.

Mataio 26:39

Ao E nako riki teutana, ao E katorobubua ni bobaraaki i aontano ao E tataro ni kangai, “Tamau, ngkana e konaki, ao e na nako mai Rou te m'angko ni karawawata aei; ma tiaki nanou ae na iraki, ma nanom.”

Mataio 26:46

Tei rake! Ti na nako. Noria, e a roko teuare nang kam'aneai!”

Ruka 12:50

Iai te b'abetito ae N nang b'abetitoaki iai; ai te rawawata tera ae taonai ni karokoa e tia!

Ioane 10:18

Akea ane anaa maiu mairou. I anga n oin nanou. E mena irou te kona n anga, ao te kona n anaia. I anganaki te mwioko aei iroun Tamau.

Ioane 12:27

“E rawawata nanou ngkai; ao tera ae N na taekinna? Tao N na kaangai, Tamau, kamaiuai man te aoa aei? Ma aei bukin rokou, b'a N na rin i nanon te aoa aei.

Ioane 12:49

B'a I aki taetae man oin au iango; ma E tuangai te Tama are kanakomaiai b'a tera ae N na taekinna, ao ae N na atongnga.

Ioane 13:1

I m'ain rokon te Toa are te Riao, ao E ataia Iesu b'a e a roko ana aoa ni kitana te aonnaba aei nakon Tamana. E a kaman titiku i nanona tangiraia aomata ake a onimakinna, ake a mena i aon te aba, ao E tangiriia ni karokoa te toki.

Ioane 15:9

I tangiringkami n ai aron Tamau ngkae E tangirai; kam na teimatoa n nim ma Ngai b'a e aonga n aki bua tangirami irou.

Ioane 18:11

E taku ngkanne Iesu nakoni Betero, “Karina am kabaang i nanoni nena; e kanga, N nang aki moi ni m'angkon te rawawata ae E a tia n anganai Tamau?”

Ioane 4:34

E taku Iesu nakoia, “Kanau bon te ongeaba nakon nanon Teuare kanakomaiai, ao te katia ana m'akuri.

I-Biribi 2:8

E kananorinanoa i bon i rouna, ao E ongeaba ni karokoa te mate, are te mate n te kaibangaki.