Ioane 14:19 - Te B'aib'ara

¹⁹ Ai ti teutana, ao e na aki manga norai aonnaba; ma kam na manga norai. Ngkai N na manga uti, ao ngkami kam na manga uti naba.

Ioane 14:19 ပူးပေါင်းရင်းမြစ်များ

Ioane 11:25

E taku Iesu nakoina, “Boni Ngai te manga-maiu ao te maiu; ane onimakinai ao e na boni maiu, e ngae ngkana e a mate:

Ioane 12:35

E taku ngkanne Iesu nakoia, “E na aki rangi ni maan ana tai te oota ni mena i buakomi. Ma ngaia are, kam na nakonako ngkai iai te oota, b'a e kaawa n taoningkami te roo; ane nakonako n te roo, ao e aki ata ike e nako iai.

Ioane 13:33

Ataei, N na aki maan ni memena i rarikimi. Ane kam na ukoukorai; ao n aron are I a tia n taekinna ngkoa nakoia I-Iutaia, ao I a manga taekinna ngkai nakoimi, ‘Kam aki kona n roko n te tabo are N na nako iai.’

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

Ioane 16:16

“Ai ti teutana, ao kam na aki norai; ao ai manga ti teutana riki i mwina, ao kam na manga norai.”

Ioane 16:22

Ao ai aromi naba: b'a kam nanokawaki ngkai, ma N na manga noringkami, ao ane a na kaonaki nanomi n te kim'areirei, ao akea temanna ae na anaa kim'areireimi mai roumi.

Ioane 6:40

B'a aio nanon Tamau: b'a ane nora te Nati ma n onimakinna, ao e na reke i rouna te maiu are aki toki; ao N na manga kamaiua n te kabanea ni bong.”

Ioane 7:33

E taku Iesu, “N na kamaanai ni mena iroumi teutana riki, ao i mwina N na kitaningkami nakon Teuare kanakomaiai.

Ioane 8:21

E a manga taku naba Iesu nakoia, “N nangi nako, ao ane kam na ukoukorai, ma kam na mate i buakon ami bure. Ike N na nako iai, ao kam aki kona n roko iai.”

M'akuri 10:41

Tiaki nakoia aomata ni kabaneia, ma E kaotia ti nako ira, ngaira aika taani kakoaua aika ti a kaman rineaki iroun te Atua, aika ti am'arake ao ti moi ma Ngaia i mwini maiuna mai buakoia maate.

I-Rom 5:10

B'a ngke bon ana kairiribai te Atua ngaira, ao ti raoiakinaki ma te Atua ni maten Natina; ao ai batiraa riki ngkai arora ni kamaiuaki ni maiura, ngkai ti a tia n raoiakinaki!

I-Rom 8:34

Ao antai ae na kabureia? Kristo Iesu boni Ngaia are mate, are E a manga uti mai buakoia maate, ao are E mena naba i angaatain te Atua ni bububuti i bukira.

1.I-Korinto 15:20

Ma E a bon tia ni manga kamaiuaki Kristo mai buakoia maate, ao E riki b'a te b'ai ni kakoaua i bukiia ake a tia ni mate b'a a na manga kamaiuaki naba man te mate.

1.I-Korinto 15:45

Ao ai aron naba are koreaki ni kangai, “Te moa n aomata are Atam bon te aomata ae maiu”; Te kabanea n Atam bon te tamnei ni kamaiu.

Ebera 7:25

Ma ngaia ae E kona ngkai ao n taai nako ni kamaiuia akana nako n te Atua i Rouna, ngkae E maiu n aki toki b'a E na bubuti i bukiia.

Te Kaotioti 20:4

Ao I noori kaintokanuea ma ake a tekateka i aoia b'a a anganaki te kona ni motiki taeka: bon aomataia ni koaua te koraki ake a tia ni mate ngke a kabakuaki i bukin tataekinan te koaua are E kaotiotia Iesu, ao i bukin tataekinan ana taeka te Atua. A aki taromauria te man are tiritiri, ao a aki taromauria naba te bouananti are katotongana; a aki kanikinaeaki ram'aia ma baiia n ana kanikina te man arei; ao a maiu, ma n uea ma te Kristo tengaa te ririki.