Ioane 13:33 - Te B'aib'ara

³³ Ataei, N na aki maan ni memena i rarikimi. Ane kam na ukoukorai; ao n aron are I a tia n taekinna ngkoa nakoia I-Iutaia, ao I a manga taekinna ngkai nakoimi, ‘Kam aki kona n roko n te tabo are N na nako iai.’

Ioane 13:33 ပူးပေါင်းရင်းမြစ်များ

Ioane 13:36

E taku Timon Betero nakon Iesu, “Te Uea, Ko na nakea?” E kaeka Iesu ao E taku, “Ko aki kona n irai ngkai nakon te tabo are N na nako iai; ma ko na irai rimwi.”

Ioane 14:19

Ai ti teutana, ao e na aki manga norai aonnaba; ma kam na manga norai. Ngkai N na manga uti, ao ngkami kam na manga uti naba.

Ioane 14:2

E m'awawa nanon ana auti Tamau i bukin te maeka; ma ngke arona b'a akea, ao e koaua b'a N na tuangngkami ae N na nako ni katauraoi nnemi i m'aimi?

Ioane 7:36

Tera nanon ana taeka are kaangai, Ane kam na ukoukorai, ma N na aki reke iroumi, b'a kam aki kona n roko n te tabo are N na mena iai.”

I-Karatia 4:19

Natiu aika uarereke, ai aron te aine ngai n ana tai ni bung, ae I ngirangira ni maraki i bukimi ni karokoa ae kam riki b'a taan ira Kristo ngkami.

1.Ioane 2:1

Au ataei aika uarereke, I koroi baikai nako imi, b'a kam aonga n aki bure. Ao ngkana e bure temanna, ao bon iai te Tia Tei i bukira are Iesu Kristo ae atataiaomata, are mena iroun te Tama:

1.Ioane 4:4

Ataei aika uarereke, boni mairoun te Atua ngkami, ao kam a tia ni katae aia kai burabeti ni kewe: b'a E m'aaka riki Teuare mena i nanomi nakon teuare mena i nanoia kaain aon te aba.

1.Ioane 5:21

Ataei aika kam uarereke, kam na kawakiningkami n taua raroami mani bouannanti.