Ioane 13:18 - Te B'aib'ara

¹⁸ I aki taekiningkami ni kabaneingkami, I ataiia aika I a tia n rineia; ma e na kakoroaki nanon are taekinaki n te B'aib'ara ni kaangai: “Te aomata ae I am'arake ma ngaia, e riki b'a te tia kam'aruaai.”

Ioane 13:18 ပူးပေါင်းရင်းမြစ်များ

Taian Areru 41:9

Ao e eekainako naba te aomata ae bon raou ni koaua ae I onimakinna, ae raoraou n am'am'arake.

Ieremia 41:2

Ao i nanon tain te am'arake, ao Itimaera ma ana tautia a tiringa Ketaria are e rineaki i roun uean B'aburon b'a e na tautaeka i aon Iuta.

Mataio 10:36

ao ane a na riki ana utu te aomata b'a ana kairiribai.

Mataio 26:21

ao ngke a kume n am'arake, ao E taku, “E koaua ae I a tuangngkami, b'a ane na kam'aneai temanna i roumi.”

Mataio 26:23

Ao E kaekaia ni kangai, “Teuae kateboa baina n te raurau ma Ngai, boni ngaia ae na kam'aneai.

Mareko 14:17

Ngke e a tairiki, ao E roko ma ana reirei ake tengauni ma uoman.

Mareko 14:18

Ao ngke a rarikiriki n am'arake, ao E taku Iesu, “E koaua ae I a tuangngkami b'a ane na kam'aneai temanna i roumi: temanna ae am'arake ma Ngai.”

Mareko 14:20

E kaekaia Iesu ao E taku, “Temanna i buakomi ngkami aika tengauni ma uoman, ae teuae kateboa ana berena ma Ngai n te boora.

Ruka 22:21

Ao noria, teuae nang kam'aneai e mena i rariku i aon te taibora!

Ioane 13:21

Ngke E a tia n atongi baikai Iesu, ao e rawawata tamneina; ao E taetae ma te aki nanokokoraki ni kaangai, “Bon te koaua ni koaua ae I a tuangngkami b'a ane e nang kam'aneai temanna i buakomi.”

Ioane 13:22

A i taramata ana reirei ma te minotaki b'a ai antai ae E nanonna n ana taeka.

Ioane 13:26

E kaeka Iesu ao E taku, “N na kateboa te m'akoro ni kariki ao N na anganna; boni ngaia teuanne.” Ma ngaia are, ngke E a tia Iesu ni kateboa te m'akoro ni kariki, ao E anaia, ao E angan Iuta, are natin Timon Itekariota.

Ioane 15:16

Kam aki rineai; ma I rineingkami, ao I bairei ami m'akuri, b'a kam na nako ni kariki uaa aika bati, ao a na aki mauna uaami; ma ngaia are ngkana iai te bae kam butiia iai Tamau n arau, ao E na anganingkami.

Ioane 15:19

Ngkana ana b'ai te aba ngkami, ao e na tangiringkami b'a e tangiriia ana b'ai; ma ngkai tiaki ana b'ai te aba ngkami, ao I rineingkami mai iai, ao bon aei bukina ae e ribaingkami iai te aba.

Ioane 15:25

Ma e riki aei, b'a e na kakoroaki bukin te taeka are koreaki ni kaangai n aia Tua: ‘Akea bukin ribaau i rouia.’

Ioane 17:12

Ngke I mena i rarikiia, ao I kawakinia ni m'aakan aram, ae te ara are Ko anganai. I tantani i rarikiia, ao akea temanna i buakoia ae bua, ma ti natin te mate, b'a e na kakoauaki taekan te B'aib'ara.

Ioane 18:32

E riki aei b'a e na kakoroaki bukin ana taeka Iesu are atongnga i bukin aroni matena.

Ioane 19:24

A i taetae ngkanne i rouia ao a taku, “Ti na aki urua n tib'aia, ma ti na kaiwaia n noria b'a antai ae na b'ainna iroura.” E riki aei b'a e na kakoroaki bukin are taekinaki n te B'aib'ara are kaangai: “A tib'ai kunnikaiu i buakoia, ao a kaiwa ninirau.” Ao aei ngkanne te baere a karaoia tautia.

Ioane 19:36

B'a a riki baikai b'a e aonga ni kakoroaki mwin taekan te B'aib'ara are kaangai, “E na aki oteaki rina teaina.”

Ioane 21:17

E a manga taku riki Iesu nakoina, “Timon, ae natin Ioane, ko tangirai?” E rawawata nanoni Betero ngke E katenua ana tai Iesu ni kaangai nakoina, “Ko tangirai?” Ao e taku nakoina, “Te Uea, Ko atai b'aai ni kabane; Ko ataai b'a I tangiriko.” E taku Iesu nakoina, “Kakaam'arakeia au tiibu.

Ioane 6:70

E kaeka Iesu ao E taku, “Tiaki I rineingkami ngkami aika tengauni ma uoman, ao bon iai te riaboro temanna i buakomi!”

M'akuri 1:16

“Mm'aane, taari, e riai kakoroan nanon te taeka are n te B'aib'ara are E atongnga ngkoa te Tamnei are Raoiroi ni wiin Tawita, are taekan Iuta, are kairiia ake a taua Iesu.

M'akuri 1:2

ni karokoa te bong are E uotaki rake iai nako karawa, i mwin tiana n anga ana mwioko iroun te Tamnei are Raoiroi nakoia taan tuatua ake E a tia n rineia.

2.I-Korinto 4:5

B'a ti aki taekinira, ma ti taekina Kristo Iesu b'a te UEA, ao ngaira b'a ami toro i bukin Iesu.

Ebera 4:13

Bon akea te b'ai teuana ae karikaki ae na raba mai Rouna; ma a bane b'aai ni kakiaki rabunaia ma ni kaotaki raoi i matan Teuare Ngaia ae ti nangi taekin arora nako Ina.

Te Kaotioti 2:23

ao N na kamateia natin neierei, ao ane a na bane ekaretia n ataai b'a te tia tirotiroi naano ma iango aika raba Ngai; ao N na anganingkami n tatabemaningkami nako booni mwin ami m'akuri.