Ioane 13:13 - Te B'aib'ara

¹³ Kam atongai b'a te Tia Reirei ao te Uea; ao e eti ami taeka, b'a boni Ngai.

Ioane 13:13 ပူးပေါင်းရင်းမြစ်များ

Ieremia 1:12

Ao e taku te UEA, “E eti anne. I moantaai ni kakoroa nanon au berita.”

Mataio 20:28

B'a aron Natin te Aomata ngkae E aki roko b'a E na tautoronaki te aba i Rouna, ma E roko b'a E na toro irouia aomata, ao b'a E na anga maiuna b'a b'aini kainaomataia aomata aika bati.

Ruka 10:28

E taku Iesu nako ina, “Ko a tia n anga te kaeka ae eti; karaoa anne ao ko na maiu iai.”

Ruka 6:46

“E aera ngkai kam atoatonga ae kangai nako Iu: ‘Te Uea, te Uea,’ ao kam aki ira nanon te bae I tuangngkami?

Ruka 7:43

E kaeka Timon ao e kangai, “I taku b'a teuare e m'aiti riki ana taarau ake a kamaunaaki.” Ao E taku Iesu nako ina, “E eti am iango.”

Ioane 11:2

Aei Nei Maria are kabira te Uea n te b'a ao e kaoi waena n irannatuna, ao ngaia are e aoraki m'anena are Rataro.

Ioane 11:28

Ngke e a tia Mareta n atongi baikai, ao e nako ni wetea tarina are Nei Maria n te aro ni karaba, ao e taku, “E a roko te Tia Reirei, ao E kaoko.”

Ioane 11:3

A kanakoa ngkanne aia rongorongo m'anen Rataro aikai nakon Iesu ma taekana ae kaangai: Te Uea, e aoraki teuare Ko tangiria.

1.I-Korinto 12:3

Ma ngaia ae I kaotia nako imi, b'a bon akea ae kairaki iroun Tamnein te Atua, ae e kangai, “Ke e reke kain Iesu!” Ao akea ae kona ni kangai, “Te UEA Iesu”, ma ti ngkana e kairaki iroun te Tamnei are Raoiroi.

1.I-Korinto 8:6

ma bon ti temanna te Atua i roura, ae te Tama, ae a bane n riki b'aai i Rouna, ao ti maiu i bukina; ao ti temanna te UEA b'a Iesu Kristo, are a bane ni karikaki b'aai i Rouna, ao ti maiu i Rouna.

I-Ebeto 6:9

Ao ngkami tooka, kam na karaoi baikai naba nakoia, ao tai kakamakuia; ngkai kam ata aia Toka, are ami Toka naba, b'a E mena i karawa, ao akea ae E nanoniia irouia aomata.

I-Biribi 2:11

ao b'a a na bane neewe n taku b'a te UEA Iesu Kristo, b'a E aonga n neboaki te Atua ae te Tama iai.

I-Biribi 3:8

Tiaki ti baikai aika I taku b'a akea bonganaia, ma I atongi b'aai ni kabane b'a akea bonganaia i bukin te b'ai ae moanibaan te bongana riki, are ataakini Kristo Iesu are ara UEA, are I kabua au b'ai ni kabane i bukina, ao I atongi b'a maange, b'a E aonga n reke i rou bonganan arou ngkai ana aomata Kristo ngai,

Iakobo 2:19

Ko taku b'a ti temanna te Atua; e eti am taeka anne. A boni kakoaua naba te taeka anne taian taimonio, ao a ruru ni maku.