Ioane 12:44 - Te B'aib'ara

⁴⁴ Ao E kanenea b'anaana Iesu ao E kaangai, “Ane onimakinai, ao e aki onimakinai, ma e onimakina Teuare kanakomaiai.

Ioane 12:44 ပူးပေါင်းရင်းမြစ်များ

Taeka n Rabakau 1:20

E takaarua te Wanawana i nanon kawain nuukan te kaawa ike a m'aiti iai aomata.

Taeka n Rabakau 8:1

E weewete te wanawana, ri nanon te ataib'ai ae e rangi ni korakora.

Mataio 10:40

Ane m'aneingkami n akoingkami, ao e m'aneai n akoai; ao ane m'aneai n akoai, ao e m'anea n akoa Teuare kanakoai.

Mareko 9:23

E taku Iesu nako ina, “Ngkana ko boni kona ngkoe! A konaki b'aai nako iroun ane onimaki.”

Mareko 9:37

“Ane m'anea n akoa te teei temanna mai buakoia ataei aikai i nanon Arau, ao e m'aneai n akoai; ao ane m'aneai n akoai, ao e aki m'aneai n ti Ngai, ma e m'anea n akoa naba Teuare kanakomaiai.”

Ioane 11:43

Ngke E a tia n atongi baikai, ao E kanenea b'anaana n takarua ni kaangai, “Rataro, oti nako!”

Ioane 13:20

Bon te koaua ni koaua ae I a tuangngkami, b'a ane m'anea n akoa ane I kanakoa, ao e m'aneai n akoai; ao ane m'aneai n akoai, ao e m'anea n akoa naba Teuare kanakomaiai.”

Ioane 5:24

“Bon te koaua ni koaua ae I a tuangngkami, b'a ane ongo au taeka ao e onimakina Teuare kanakomaiai, ao e na reke i rouna te maiu are aki toki. E na aki motikaki taekana; e a tia ni kitana te kawai are e na mate iai, ao e a toua te kawai are e na maiu iai.

Ioane 7:28

Ma ngaia are, ngke E reirei Iesu n te Tembora, ao E kanenea b'anaana ao E taku, “Kam ataai, ao kam ata naba te tabo are I nako mai iai? Ma I aki nako mai n oin nanou. Iai iroun Teuare kanakomaiai, are kam aki ataia, bon te onimakinaki raoi.

1.Betero 1:21

ngkami akana kam onimakina te Atua i rouna, ae E a manga kamaiua mai buakoia maate, ao E anganna te neboaki; b'a a aonga n tiku ami onimaki ma ami kaantaninga iroun te Atua.