Ioane 12:38 - Te B'aib'ara

³⁸ b'a e na kakoroaki bukin ana taeka Itaia are te burabeti are kaangai: “Te Uea, antai ae kakoaua ara rongorongo? Ao antai ae kaotaki m'aakan te Atua nakoina?”

Ioane 12:38 ပူးပေါင်းရင်းမြစ်များ

2.Rongorongo 32:20

Ao a bubutiia te UEA Etekia ao te burabeti are Itaia are natin Amoti buokaia,

Taian Areru 44:3

E aki reke te aba irouia ara bakatibu n aia b'ai ni buaka; Ao e aki reke irouia n oini korakoraia; E reke ni m'aakam ao ni korakoram: mani kakoauaan memenam irouia ni kaotia b'a Ko tangiriia.

Itaia 51:5

A ingainga n tataningaai b'a N na kamaiuia aomata ake a maeka n taabo aika a raroa nako i nanon te marawa. I korakora ao I tauraoi; N na roko ni kamaiungkami n te tai ae e waekoa ao N na tautaekaniia botannaomata ni kabane.

Itaia 51:9

Uti! buokiira te UEA. Ko na korakora ao tauraoi. Uti! Karaoa te b'ai are ko a tia ni karaoia nakoia am Aomata n taai ake ngkoa. Ko bon aki tataa Raaba are te mannikaakang?

Itaia 53:1

Iai ae e a tia ni kakoauaira ke n noora korakoran m'aakan te UEA ni m'akuri?

Mataio 15:7

Ngkami aika taani m'am'ana-te-aba! E eti ana taeka Itaia ngke e taekiningkami ni kangai,

Mataio 16:17

Ao E kaekaa Iesu ni kangai, “Ko a kab'aia, Timon ae natin Iona! B'a tiaki te aomata ae kaota aei nako im, ma E kaotia Tamau are i karawa.

Mataio 27:35

Ao ngke a tia n taura Iesu n te kaibangaki, ao a tib'ai kunnikaina i marenaia n te aro ni kaiwa.

Ioane 12:37

E boni ngae ngke E kabatiai ni karaoi ana m'akuri aika kamimii i mataia, ma a bon aki onimakinna,

Ioane 12:39

Aio bukin ae a aki kona n onimaki iai, b'a e a manga taku Itaia,

Ioane 15:25

Ma e riki aei, b'a e na kakoroaki bukin te taeka are koreaki ni kaangai n aia Tua: ‘Akea bukin ribaau i rouia.’

Ioane 17:12

Ngke I mena i rarikiia, ao I kawakinia ni m'aakan aram, ae te ara are Ko anganai. I tantani i rarikiia, ao akea temanna i buakoia ae bua, ma ti natin te mate, b'a e na kakoauaki taekan te B'aib'ara.

Ioane 19:24

A i taetae ngkanne i rouia ao a taku, “Ti na aki urua n tib'aia, ma ti na kaiwaia n noria b'a antai ae na b'ainna iroura.” E riki aei b'a e na kakoroaki bukin are taekinaki n te B'aib'ara are kaangai: “A tib'ai kunnikaiu i buakoia, ao a kaiwa ninirau.” Ao aei ngkanne te baere a karaoia tautia.

I-Rom 10:16

Ma a aki bane aomata n ira nanon te euangkerio. B'a e kaangai Itaia, “Te UEA, antai ae onimakina ara rongorongo?”

I-Rom 10:20

Ao e taetae Itaia n aki maku, ngke e taekina ana taeka te UEA are e kaangai: “I a reke irouia akana aki ukoukorai; I kaotai nakoia akana aki titiraki taekau.”

1.I-Korinto 1:24

ma nakoia aika rineaki iroun te Atua, aika I-Iutaia ma I-Erene, boni m'aakan te Atua ao rabakauna naba.

I-Karatia 1:16

b'a E na kaota Natina i rou, b'a I aonga n tataekinna i buakoia aomata aika tiaki I-Iutaia, ao I aki iango ma temanna ngkekei naba;