Ioane 11:53 - Te B'aib'ara

⁵³ Ma ngaia are, man te bong arei, ao a iaiangoa aroni kamatean Iesu.

Ioane 11:53 ပူးပေါင်းရင်းမြစ်များ

Karikani B'aai 37:18

Ao a nooria ngke e mena i kiraroa, ao i m'aain rokona i rouia, ao a baairea kam'aneana ma tiringana.

Neemia 13:21

Ma I kauringiia ni kaangai, “Ngkana kam a manga karaoa riki aei, ao N na katikingkami ni karabuutiningkami.” Ao man te tai anne, ao a aki manga oki n roko n te Taabati.

Neemia 4:16

Ao man te tai anne, ao I kanakoia iteraia rorobuaka n ataei b'a a na m'akuri ao ake te iterana b'a a na tei. Bon iai kunnikaia ni buaka ao iai naba aia kainiwai ao otangaia, ao ai uana naba ma kainikatebe ao kanoa ni katebe. Ao taani kairiiri a buokiia taani m'akuri

Taian Areru 113:2

E na neboaki arana, ngkai ao n aki toki.

Taian Areru 2:2

A bootaki uean aonnaba n eekaanako te UEA ma ana King are E rineia.

Taian Areru 31:13

I ongo b'anaaia ni wirikiriki taan ribaai aika m'aiti; I otab'aniniaki n te kakamaaku. A kario iango b'a a na eekainako. A iangoa kamateakiu.

Taian Areru 71:10

A taekinai au kairiribai; A ikotaki ni maroroakina aroni kam'aneau b'a a na kamateai.

Ieremia 38:15

Ao I kaeka ni kaangai, “E aera ngkai ko aki ongo? Ao ko tangira b'a N na tiringaki!”

Ieremia 38:4

Ma ngaia are, a m'ananga ni kawara te uea naake aman akekei ao a taku, “E na riai ni tiringaki Ieremia b'a e kab'arai nanoia tautian te kaawa aei ma aomata ni kabane, e kataia ni kakiriwei nanoia aomata.”

Mataio 12:14

Ao a oti nako B'aritaio, ao a kabowiia aron Iesu b'a a na kanga ni kamatea.

Mataio 16:21

Man te tai arei, ao E moa ni kaotia Iesu nakoia ana reirei, “B'a e riai nakona nako Ierutarem ao b'a E na bati kamarakana irouia unimm'aane ma ibonga ake mataniwi ma taani koroboki, ao b'a E na kamateaki, ao E na manga kamaiuaki n te katenibong.”

Mataio 22:46

Ao akea i rouia ae e kona ni kaeka, ao akea naba i rouia man te tai arei ae e na kani manga titirakinna.

Mataio 26:4

ao a karekei aia iango b'a a na kam'anea n taua Iesu n te aro ni karaba, ao a na kamatea.

Mataio 26:59

Ao ibonga ake mataniwi ma kaain te Tanirim ni kabaneia a ukoukora bukinan Iesu aika aki koaua, b'a a na kamatea;

Mareko 14:1

Ai uoua te bong ngkai i m'ain tain te Toa are te Riao ao te Berena are aki Karikaki. A ukoukora aroni kam'anean Iesu ibonga ake a kakannato ma taani koroboki, b'a a na taua ni kamatea.

Mareko 3:6

Ao B'aritaio a kitana m'aneabaia I-Iutaia, ao a kabowi n te tai ae waekoa ma tem'angina aika kaain ana botaki Erote, b'a a na kareke iango i bukin tiringan Iesu.

Ioane 11:47

Ma ngaia are, a tewea te kabowi aia mataniwi ibonga ma B'aritaio, ao a taku, “Tera ae ti na karaoia? B'a a bati m'akuri aika kamimii aika E karaoi te aomata arei.

Ioane 12:10

Ao a karekea aia iango ibonga ake mataniwi b'a a na kamatea naba Rataro,

Ioane 7:1

I mwin arei ao E m'am'ananga Iesu i aoni Kariraia; E aki kona ni m'am'ananga i aon Iutaia i bukina ngke a kani kamatea I-Iutaia.

M'akuri 5:33

Ao ngke a ongo arei, ao a rangi ni maraki nanoia, ao a iangoa aroni kamateaia.

M'akuri 9:23

Ao i mwini boong aika bati, ao a kabowiia taekani kamatean Tauro I-Iutaia,